Iizalomwa iipe tayi ka ulikwa koNice Restaurant

0
246
Okakadhona hoka ta ka ulike oonguwo dho Leni Clothing Line pethimbo lyolweetho Olutiheyali lwo ku ulika iizalomwa iipe.

 

Windhoek- Aahondji yoonguwo aashona mboka ya tamekele nolweetho lwo ku ulika oonguwo dhawo oompe, oya ti olweetho Olutiheyali otalu ka ningililwa pehala lyokulila nokunwina po Nice, moVenduka omwedhi tagu ya.

Hendrina Shikalepo gwo Leni Clothing Line, oye omutotipo gwoshiindingili shika, hashi ningwa konyala lwaali momvula, nelalakano okuyambulapo aahondji yoonguwo noku ya tula pamuthika gwopombanda.

Shikalepo okwa ti  sho ya tamekele nolweetho nduka okwa li onkambadhala yotango opo aahondji yoonguwo mboka aashona ya mone ompito ombwaanawa yoku ulika oonguwo dhawo koshilongo ashihe.

Okwa gwedhapo ta ti oshituthi shika otashi ka kwatelamo oludhi olundji lwi izalomwa, mbyoka tayi  ka kwatelamo omithigululwakalo adhihe moshilongo.

“Oshiindingili shika okuyambulapo aahondji opo ya vule oku ulika oonguwo dhawo pondje yoshilongo noya wape oku humitha komeho iitalenti iipe yokuninga iizalomwa tashi pititle maahondji ooyakwawo,” Shikalepo ta ti.

Aaningi yiizalomwa ye li omulongo oya tegelelwa ya ka kale ya ulika oonguwo dhawo pamwe naahikingalo mboka taya ka ulika uunongo wawo.

Ota pu ka kala ishewe egandjo lyomakopi kaa kondi yiikutu dhingi, mboka taye ke shi enditha nawa. Omusindani gwolweetho Olutiheyali ota ka sindana oodola dhaNamibia 5 000 omanga ngoka opo eya miilonga mbika ota kasindana oodola dhaNamibia 3 000.

 

 

 

 

LEAVE A REPLY

Please enter your comment!
Please enter your name here