Oondjila niiyalo

0
218

Iiyalo yoshinanena oya pumbiwa opo omahupilo ga koke nawa, no ga kale ga kola no itaaga tenguka. Oshoka ngele kapena iipumbiwa mbika nena kehe shimwe momahupilo otashi kala itaashi ende nawa  nenge oyindji yomomahupilo otayi kala yi na ondilo inaa shi pumbiwa. Ihe Namibia omunelago oshoka okwa huma nawa komeho ngele tashiya kiiyalo ngaashi oondama dhomeya, ominino dhoku enditha omeya, omatuliloskepa gopashinanena, oondjila niitauwa  yi li nawa, omalusheno taga hala oku adha omuntu kehe nomakwatathano gopauteknika ge li nawa.

Oku shi talela mwaashika nosho wo pehala mpoka Namibia eli pamu tungilo guuyuni, epangelo olya tokola opo li ninge oshilongo shika osho shuupitilo wiinima okuya miilyolongo yEhangano lyeyokomeho miilongo yUumbugantu waAfrika ano SADC.

Nando Namibia okuna iiyalo ya dhenga mbanda niiwanawa kwaa na we, opena uunkundi tawu holoka, mboka ngele inau longwa nawo meendelelo tashi vulika wu thinaneke noku kateka ekoko enene newanawa lyomahupilo osho wo ehumokomeho pethimbo ondungethaneko yaHarambee yi li miilonga

Omashongo ngaka nenge iikateki mbika oya kwatelamo ompumbwe yolusheno ndoka lwa longwa komashina gaNamibia mwene, ondjila yolutenda ya kulupa unene ndjoka yopokati koMbaye nOshomeya. Omayakulo goku gandja omeya gaa li we pomuthika unene tuu muumbangalantu nomiitopolwa yomokati koshilongo.

Oku yambulapo noku opaleka iiyalo mbika okwa tsikila  ongo shitopolwa sha simana  momathaneko gepangelo gethimbo ele. Mbika oyili iipumbiwa ya simana momathaneko gehumokomeho  gopashigwana omatine. NDP4.

Ihe itashi piti opo iiyalo ayihe mbika yi vule oku tungwa noku opalekwa andola ayihe ethimbo limwe oshoka shika otashi ka kala shina ondilo no itashi vulu oku ningwa.  Onkene opo pu kale pwa longwa sha mwaashika, Ondungethaneko yaHarambee otayi tala manga kiinima mbyoka ya pumbiwa lela pethimbo lyomimvo ne tu uka sigo opo mvo 2020.

Omalusheno nIikwankondo

Pethimbo ndika Namibia oha longitha olusheno luu windji woomegawatt omathele  600 komumvo. Molwashoka okwa tegelelwa ekoko enene momahupilo, otaku tegelelwa wo ompumbwe yolusheno okuza kaakalimo nayo yi londe pombanda konyala noopelesenda ntano omumvo kehe.

Olusheno ndoka halu longwa kuNamibia ye mwene olwo ashike ooMegawatt omathele 400 komumvo. Shika osha thigipo natango ompumbwe yoomegawatts omathele gaali. Oshoka otwa ti, oshilongo ohashi longitha oomegawatts omathele gahamano komumvo.Oshikwawo, oshasimana okutseya kutya okulonga olusheno konyala koo megawatt [332 MW] okuna ekwatathano nosasiona yolusheno halu dhigwa komeya poRuacana, yo ndjika ohayi ikwatelele kekalopo lyomeya ga gwana momulonga gwa Kunene.

Onkene ompumbwe yolusheno ohayi kala onene nenge oshona shi ikwatelela kutya omeya moKunene oge li mo ge thike peni no taga matuka ngiini. Opo tu thitike omwaka ngoka mompumbwe yolusheno, Namibia oha etamo olusheno okuza miilongo yopuushiinda. Omwaalu omunene golusheno ndoka Namibia ha etamo oha gu landwa oku za koEskom yaSouth Africa.

Ndele nee Eskom na ye okuna wo omashongo ge mokugandja olusheno.Ngaka oga li omanene naashika osha fala mpoka kutya  South Africa omumvo gwayi okwa kala ena omalusheno haga dhimi go haga tema taga ningi omalufo oshoka kapwa  olusheno lwa gwanena oshilongo ashihe pethimbo limwe. Naashika osha fala sigo oompoka kutya omalusheno oga kala haga dhimwa omahala nomahala taga paathana omalufo okuza koshilando shimwe noku ya koshikwawo.Namibia ina hala okuhepa omolwompumbwe yolusheno tashi zi mekoko lyomahupilo lili pombanda osho wo iilongitho yoku dhiga olusheno ya kulupa.Oshikwawo oku ikwatelela koku etamo olusheno lwombiliha okuza piishiindalongo kashishi ekandulepo lyeshongo ndika ku Namibia.

Yo ompumbwe yolusheno moNamibia otayi kala niilanduli iiwinayi koofabulika oshowo koku hila omapungulo, kekoko momahupilo ne etepo lyoompito dhiilonga.

Kakele koku gandja olusheno lu shi okwi inekelwa ethimbo alihe lwo ishewe oluna ondando yi shi ku pulakenwa koofabulika, Oholomende yaNamibia oyi ilongekidha noyi na oshinakugwanithwa okushenopeka omanongelo niipangelo ayihe momikunda oshowo omagumbo komahala gokuushayi , ongo oshilonga sha yo shoku kondjitha oluhepo. Omolwetompelo ndika, okulonga olusheno pamukalo kehe oshi li oshilalakanenwa oshinene pethimbo ondungethaneko ya Harambee yili miilonga.

Opo olusheno lwa gwana nolushi kwi inekelwa lu longwe noku kalekwapo moNamibia, ondungethaneko yaHarambee oya thaneka oku adha elalakano ndika moku landula oonkatu ndhika.

Omathaneko gomumwe gopashigwana gokulongitha  oonzo, shika otashi ningwa moku manitha Omushangwa kombinga Yiikwankondo nosho wo omathaneko gomumwe gopashigwana gelongitho lyoonzo dhiikwankondo pehulilo lyomwedhi gwayi. Omathaneko ngaka otaga ka dhenga omuthindo kokutala elongo lyolusheno okupitila maa yetipo yolusheno yi ithikamena osho wo okulongitha oonzo ndhoka hadhi ningululwa, nenge kehe ethimbo otadhi pepalekwa nenge tadhi ningwa oompe. Oshiholelwa oonte dhetango, ombepo niihwa.

Epangelo ota li talulula wo omukalo gwomulandi gumwe . Mokuninga ngaaka holomende ota tsikile okuhumitha komeho oshinima shaa etipo yolusheno yi ithikamena  oku soshimpwiyu kutya Nampower kaa kale oye awike omwetipo nomu andjaganeki golusheno moshilongo ashihe. Moshinima shika Oshikondo shOomina Niikwankondo otashi manitha  omalongekidho gokutalulula omulandu gomulandi gumwe okuya pehulilo lya Desemba nuumvo. Naashika ngele osha manithwa ota pu ka monika olusheno lwondando yili hwepo moNamibia lwo ishewe olu shi okwi inekelwa. Oholomende otayi tsikile wo noku dhenga omuthindo koshinima  shoku longitha oonzo ndhoka hadhi pepalekwa moku etapo olusheno ko kutya oonte dhetango  osho wo ombepo.Shika otashi ningwa pethimbo lyonkalamwenyo yoHarambee. Uuyelele owindji kombinga yaashika otawu adhika momushangwa kombinga yiikwamalusheno.

Oopoloyeka dhilwe kakele koonzo hadhi pepalekwa odha kwatelamo oku etapo olusheno  nomashina godiesela mokulongitha oshimaliwa oshishona pethimbo lyo Harambee.

Okushenopeka omikunda: Eshenopeko lyokomikunda otali tsikile nopethimbo lyoHarambee . Shika otashi ningwa oku yelutha po omuthika gweshenopeko  okuza poopelesenda 34 momumvo 2015 oku ya poopelesenda 50 okuya momumvo 2020.

Pethimbo lyoHarambee oholomende otayi ka soshimpwiyu kutya  omanongelo agehe osho wo iipangelo nuupangelo auhe owa shenopalekwa. Okushenopeka omahala ngaka ota ku ka endela wo pamwe noku taandeleka omakuthikuthi gomakwatathano gopashinanena gointaneta oku ga fala momahala ngoka, opo ngaka ga egululile aayakuli naayakulwa oompito dhoku ilonga pakulongitha uuteknologi okupangwa taku longithwa uuteknologi osho wo okuwilika noku wilikwa taku longithwa uuteknologi.

 

 

 

 

 

 

 

 

 

 

 

LEAVE A REPLY

Please enter your comment!
Please enter your name here