Platinum Stars oya hala Henrico Botes 

0
178

Windhoek – Ngele omahokololo miikundaneki yaSouth Africa ota ga vulu oku itaalwa, omudhani gwokomeho nale gwospana yopashigwana ya Namibia , Brave Warriors, Henrico Botes, otashi vulika ta ka shuna kospana ndjoka a li ha dhanene nale yoPlatinum Stars mewiliko lya Cavin Jonhsonn.

Pethimbo ndika Botes kena ospana ndjoka ha dhanene konima sho a lalekwa mospana yo Bidvest Wits mo Johannesburg.

Omunamimvo 36 omudhani nale gwokomeho gwoBrave Warriors okwa topoka nospana ya Wits konima sho okondalaka ye yiilonga ya li inaayi lelepekwa we. Botes okwa kala ta dhanene mospana ndjika ya tseyika wo nedhina Aamati Aanadunge.

Sho a popi noshi kundaneki  oshikomeho muudhano moSouth Africa shedhina  KickOff, Botes okwa ti “Pethimbo ndika  ngame onda manguluka nopena oospana dha hala eyakulo lyandje, no ndili nale moonkundathana naandhika. Ngame onda hala natango okudhana moliha yopombanda ya South Africa ngaashi yi shiwike ongo PSL.Ihe nando oongaaka kapena sha sha kolekwa sigo oompaka.”

Ihe oshifonkundana sha simana wo, shoSoccerladuma – shomo South Africa  osha lopota oshiwike shika kutya omudheuli gwoPlatinum Stars,Cavin Johnson okwa hala okugalulila Botes kosipana ndjoka omumvo guudhano gwo-2016/17. Botes okwa longele noku dhana, mewiliko lya Johnson mosipana ndjoka konyala uule womimvo heyali nokwa li a tulamoo okoola adhihe kumwe omimvo ndhoka dhili  28. Moku ninga ngaaka okwa li oye omudhani dhingi mokuthangelamo ookoola odhindji okuyeleka nomudhani omukwawo Dingane Masanabo ngoka oye a li norekorda yookoola 27.

Okwa li wo a kwathele oku tula opsna ye pehala etiyali momusholondondo gwoospana moliha yoPSL.

Botes otaku hokololwa ishewe a halika kosipana yo Bloemfontein Celtic ndele nee ye ina uvako nando onkundana yimwe kwaashoka.

 

 

LEAVE A REPLY

Please enter your comment!
Please enter your name here