Shifrescka a yambidida omunaudu womutima

0
184
Mefano omuna Johanna Duncan ta pewa omiti daye ku Simon Shiindi omukwatelikomesho wo Shifrescka Fishing cc, na Conradie Fredericks oshilyo sho Shifrescka Fishing  na Kansela woshikandjohoolowa sha !Nami#nus Jan Scholtz eli kolumosho.

Lüderitz-Ehangano lokuyula eeshi ledina Shifrescka Fishing cc otali kala noku kwafa mokulandela omunaudu womutima, omiti odo  a shangelwa koNdokotola, oule weehani hamano.

Johanna Duncan omunamido 48, ina younona vanhe, okwa monika kutya okuna omutima itau longo nawa, uhena eenghono, onghene okwa nyolelwa omiti ku Ndokotola odo a pumbwa okunwa oule weehani hamano, ku talike ngee ta peuya elunduluko.

Duncan okwa tumbula kutya yeemwene iha longo, omushamane waye oye aeke ha longo, momahangano opaumwene, onghene ita dulu oku mona N$394.40 omwedi keshe dokuka landa omiti koApoteka.

Okwa ti omushamane waye oilonga ei halongo kaina ekwafelo lopaunamiti ashike ye okwe mu pandula eshi emu twala ku Ndokotola koGrunau notuwa ei kufa momutumba.

Ndokotola wopaumwene  De Villiers  womoGrünau, oye a mona kutya Duncan oku na oupyakadi womutima.

Duncan okwa tumbula kutya Dr De Villies okwe mu lombwela kutya okwa pumbwa etando, ashike mupya munene Duncan kena ekwafelo lopaunamiti.

Duncan okwa ninga ekwatafano nombelewa ya Kansela woshikandjohoololwa sha !Nami#nus Jan Scholtz opo emu kongele omayambidido.

Scholtz okwa kwatafana no Shifrescka Fishing oyo ya udaneka oku kwa fela Duncan moku mu landela omiti daye.

Scholtz okwa pandula unene kehangano lo Shifrescka Fishing eshi latokola okukwafela mokulanda omiti da Duncan.

Scholtz okwa kumika Duncan opo a pule Ndokotola waye kutya etando lomutima otali dulu okuningwa peni, nokondado ifike peni, ku talike ngee ta monikila evatelo, letando lomutima.

 

LEAVE A REPLY

Please enter your comment!
Please enter your name here