Ehumitho komeho lyiiyalo

0
199
Ondungethaneko yelikolo Harambee oya shike

 

Oku etamo olusheno pethimbo lwa pumbiwa shinene: Molwashoka oopoloyeka dhoku longa olusheno ihadhi vulu okudhikwa po pethimbo limwe. Epangelo lya Namibia olya koleka euvathano naEskom opo ehangano ndika li ikalekele oomegawatt 300 oku ga tumina Namibia ngele opwa holoka ompumbwe yolusheno inaa shi tegelelwa, pethimbo ondungethaneko yoHarambee yi li miilonga.

Molwashoka etungo lyosasiona dhokulonga olusheno oompe ohali kwata ethimbo, no itali gwanithapo ompumbwe yolusheno ndjoka yili po ngashingeyi. Otatu  tsikile oku tala kombinga yompumbwe yolusheno pethimbo ondungethaneko ya Harambee yi li miilonga. Shika otatu shi ningi moku humitha komeho uuteknologi mboka hawu hupitha olusheno, osho wo okupa aanamagumbo noofabulika omayalulo gelongitho lyolusheno.Omathaneko gu udhapo ga nkene shika tashi ningwa otaga longekidhwa opo ga falwe komeho goKabinete oku uka pehulilo lyomwedhi nguka.

Otwa thaneka oku etapo egameno lyolusheno lwa gwana uule wethimbo ele moku ninga omakonakono kombinga yogasa okuza kelundu lyoGas ya Kudu okulonga olusheno osho wo opoloyeka yokudhiga olusheno nomeya komulonga gwa Kunene moku tunga osasiona yoludhi nduka poondundu dha Baines. Omakonakono oku ulika kutya oopoloyeka ndhika otadhi vulu okutulwa miilonga noku longa ngele odha tungwa oga tegelelwa oku kala ga manithwa mu Maalitsa 2017.

Onkalo yOmeya moNamibia

Sigo oompaka Namibia okwa ya komeho moku gandja omeya ga yogoka no ge li nawa okunuwa koyendji yaantu ye. Pamiyalu dhopashigwana dhomumvo 2011, ooperesenda 87 dhaaNamibia odhina omeya omawanawa gokunwa.Omanga shika shi li esindano enene, itashi ti kutya kehe gumwe moshilongo ashihe oku na omeya omawanawa go ishewe oge  shi okunuwa. Oshiholelwa, aakalimo yomiilando omanga ayehe haya longitha omeya ga yela noga yogoka, oopelesenda dhili pevi lyomilongo 70 dhaanamagumbo momikunda  odho adhike dhina omeya gayogoka nomawanawa okunuwa.

Oshikwawo molwa iilongitho ya kulupa nenge oku tekamo unene omeya okuza moonzo dhomevi, aantu oyendji komikunda oya thiminikwa oku longitha omeya taga zi moonzo inaadhi yogoka, unene tuu pethimbo lyokwenye.

Onkene oshi li elalakano lyOmathaneko Omatine gopashigwana  opo omeya omawanawa noga yogoka ga adhe omukwashigwana kehe  okuya pomumvo 2017, osho wo pu kale omeya ga gwana okulongithwa koofabulika pethimbo olyo tuu ndyoka.

Pethimbo omathaneko Omatine geyokomeho taga yi miilonga oshilongo osha adhika kuulumbu uudhigu inaawu monika nale. Wo mbuka inawu tekapo natango. Kokutya oshikukuta natango osha tsikila nuumvo naashika otashi tu dhimbulutha kutya oshilongo shetu konyala osha nika ombuga nonkene ohashi hepekwa nuupu koluteni.Onkalo ndjika oya tegelelwa yi ninge ombwiinayi unene tuu molwa elunduluko monkalo yombepo muuyuni , ndjoka ya ningi yoshili pethimbo lyetu.

Kakele koofabulika, okukalapo kwomeya ga gwana okwa ninga okudhigu na ishewe otaku eta omaipulo ogendji molwashoka oondama nomahala goku pungula omeya, unene tuu ngoka haga gandja omeya koshilando shaVenduka otadhi ende tadhi pwine nenge tadhi kunyamene. Onkalo ndjika otayi holoka wo moondolopa dhokomunkulofuta Ombaye nOshiwakoko oshoka ndhika odha longitha shapitilila oonzo dhomeya dhokohi yevi.Kombinga yaVenduka oku ni we uutile kutya ndjika otayi ka kala ya manapo omeya okuya momwedhi tu uka.

Harambee Goal and Outcome

Oshike tashi ningwapo opo pu kale omeya ga gwana kutya inaku lokwa?

Omathaneko dhiladhilo ngaka ogo taga longithwa osho wo oonkatu ndhika otadhi ka katukwa oku sa oshimpwiyu kutya ope na omeya ga gwana pethimbo lyondungethaneko yaHarambee osho wo konima yayo.

Okommittee yoKabinete kombinga yegandjo lyomeya li li nawa. Ndjika otayi dhikwa po noku kala tayi hokololele Omuperesidente omwedhi kehe kombinga yonkalo yomeya, mwa kwatelwa nkene oonkatu dhokuwilika egandjo lyomeya moshilongo dha tulwa miilonga.

Oku tula miilonga omukalo gwopashigwana gwokutala nawa oonzo dhomeya dhopashigwana ota shi ningwa molwashoka ope na uunkundi wuuyelele kombinga yoonzo dhomeya moNamibia. Onkene shimwe shomoonkatu dhaHarambee odho okutala uuyelele osho wo eandjaganeko lyawo kwaayehe mboka ya gumwa kiipambele yomeya. Uuna kehe gumwe ena uuyelele mbuka nena otashi kala oshipu oku tula miilonga oonkatu dhoku hupitha omeya. Ethaneko ndika otali ka tulwa miilonga okuya muMaalitsa 2017.

Muumbangalantu woshilongo otatu ka dhika po iilongitho opo tu pombe omeya okuza moonzo dhokohi yevi ndhoka  dhi itsuwa omimvo dha piti.Omakonakono ngoka ga ningwa otaga pitike opo pu kale pena onzo ontiyali yegandjo lyomeya. Nonando okutunga po iilongitho yokupomba omeya ngaka oku za mevi osha fa shina ondilo pethimbo ndika, oku ya monakuyiwa shika otashi ka kala shina ombiliha unene tuu sho omeya ngaka itaaga pumbwa unene oku opalekwa , molwashoka ngaka oga yogoka nale. Ishewe uunene womithima ndhoka dha tungwa po ethimbo ndika otawu vulu okugwedhelwa.

Onkene eshongo lyompumbwe yomeya muumbangalantu otali ka kuthwapo moku tula mumwe omeya ngoka ge li po [moku longitha omeya gomoodama, omeya gomvula, osho wo okulongululula omeya.]Oshikondo shUunamapya, Omeya, nOmakuti otashi ka gandja omathaneko agehe gu udhapo nkene ayihe mbika tayi tulwa miilonga. Naangaka otaga kala gapwa oku ngongwa po omanga Septemba 2016 inaa thika.

Mokati koshilongo otatu kala noku udhitha oonzo dhomeya kohi yevi momudhingoloko gwaWindhoek. Naashika otashi fala meopalo lyoku longitha oonzo dhomeya dha Venduka ongo ombaanga yomeya, moku sa oshimpwiyu kutya kehe omumvo ombaanga ndjika oya tulwa omeya. Oshikwawo shika otashi ka endela pamwe nelongitho ishewe lyomeya ngoka ga longithwa nale. Nkene onkatu ndjika tayi adhika noku tulwa miilonga otashi ka ndjandjukununwa momushangwa ngoka tagu manithwa pehulilo lyomwedhi nguka.

.Omanga komunkulofuta otaku longithwa omeya ngoka ga kuthwa omongwa. Omukalo gwoku kutha mo omongwa momeya gefuta otagu longithwa mekwathelo lyolusheno okuza ketango nenge okulongitha ombepo. Opo tu gandje omeya ga gwanena oompumbwe dhoodoolopa ndhoka oshidhinditho shomeya gomefuta shoka tatu ka tunga otashi kala shina uunene wookubikemeta dhomeya dhoomilliona omilongo 25, sho shika otashi ka tungwa pethimbo lyomumvo gwembo lyiimaliwa lyo 2016/2017 sigo 2018/2019.

Elalakano oku soshimpwiyu kutya iilando yokomunkulofuta oyi na omeya ga gwana okulongithwa koofabulika , koomina nokaantu. Etungo lyoshidhinditho shika otali ka ningwa melongelokumwe nomahangano gopaumwene.

Omanga muumbugantu woshilongo otatu nenepeke epungulo lyomeya mokutunga ondama yaNeckartal komulonga gwaFish . Ndjika otayi kala nuunene tawu vulu okupungula omeya gookubikemeta oomiliona omathele 850. Okwa tegelelwa etungo lyayo li kale lya manitha pehulilo lyomumvo gwembo lyiimaliwaa 2016’2017 sigo omumvo 2018/2019.Elalakano olyo oku kalekapo onzo yomeya ga gwana.

Omeya ngaka otaga ka longithwa moku etapo noku koleka egameno lyiikulya, molwashoka omeya gamwe otaga ka longithwa okutekela iikunino omanga gamwe otaga longithwa okunuwa koshigwana.Ondama ndjika otayi kala wo tayi gandja omeya ethimbo alihe  go ishewe oge li popepi. Otatu tulapo wo omulandu goku hila noku heka oofabulika opo dhi tungwe  popepi nomahala mpoka pena oonzo dhomeya ihaadhi pupo. Naashika otashi ka shonopeka etembukilo lyaantu okuza komikunda oku ya kiilando. Omathaneko nkene shika tashi longwa nasho otaga kala ga manithwa oku uka pehulilo lyomwedhi nguka.

 

 

 

 

 

 

 

 

 

 

 

LEAVE A REPLY

Please enter your comment!
Please enter your name here