ELCIN a dhana oshituthitumo

0
284
Aambisofi  meyakulo lyaElcin okuza kolumoho, Omundohotola Shekutaamba V.V Nambala nOmundohotola Veikko Munyika omanga Omumbisofi moshipundi shevululuko Omundohotola Thomas Shivute ta popi pethimbo lyoshituthitumo mOngwediva ehululiloshiwike lyayi.

 

ONGWEDIVA  – Ongeleki OnkwaEevangeli paLuther moNamibia nuumvo oyali ya dhana oshituthitumo  shokomumvo paukumwe mono iikandjongerki ayihe iyali (shUuzilo nUuninginino) yali ya hangana.

Shika ohashi dhanwa aluhe omumvo kehe, nomagongalo ga yooloka ogali ga gongala go ga tyapule noku dhana oshituthitumo shuukumwe.

Etumo olya dhanwa oshikando oshiti-146 kohi yoshipalanyolo Indeni nuuyuni awuhe, konima sho aatumwa aaSoomi yali ya thikitha etumo mOmandongo omumvo 1870. Nuumvo oshali sha ningilwa mOngwediva niilyo oyindji yongerki yaELCIN oyali ya gongala mpoka  ehuliloshiwike lya piti.

Oshituthitumo shika oshali sha kalwa kOmuwilikimbiisofi gongerki ya ELCIN Omundohotola Shekutamba V.V Nambala, Ombumbiisofi Veikko Munyika oshowo Aambiisofi moshipundi shevululuko, Kleopas Dumeni, Thomas Shivute, Appolos Kaulinge, naJohannes Sindano, aakwanepangelo oshowo aasita yomagongalo.

Omundohotola Nambala pethimbo ta patulula etumo pambelewa okwali a indile iilyo ya ELCIN yi longe oshilongatumo yo yi taandelithe evaangeli kooha nooha dhaNamibia nopalwe.

“ Otweya mpaka nena opo twi idhimbulukithe Etumo, mono Jesus ali a lombwele aalongwa ye ya ye nuuyuni awuhe yo ya ka ninge aantu ayehe aalongwa  ye,natse otwa pewa elombwelo ndika opo tu ninge aantu ayehe aalongwa yaJesus,otatu dhimbulukwa okuthika kwaatumwa sho yali ya thiki mOwambo konima yoomvula 146,” Omumbiisofi Nambala ta ti.

Omuwilikimbiisofi okwali woo a yelitha kutya aatumwa sho ya thiki oya adhele  aantu yeli kokule niinima yoshinanena, no yali ya longo ngaashi tashi vulika aantu ya hedhe kashona nopepi neputuko lyaantu yalwe muuyuni, ta ti oya tamekitha aantu oosikola dhokunyola oondanda oshowo okulesha. Ta ti shino oshali sha ningwa opo aantu ya tseye okulesha, yo ya wape yi ileshele yoyene oohapu dhaKalunga, yo ya leshe shoka tashi inyenge muuyuni.

“Nonande tatu longo etumo ngeyi otuli muuyuni muka muna omashongo ogendji ongele ondjala, oluhepo,uufuthi ,uunkolwi nuufukulume, otuna okukondja ngaashi tatu vulu tu sinde omashongo ngoka ngaashi aantu yali ya palamene omashongo gopethimbo lyawo noku ga sinda, tu uvitheni ohapu yomwenyo tse tu kale meitaalo ndyoka ihaali tenguka,” Omundohotola Nambala a kumike ngaaka.

Moshituthitumo omwali oongundu odhindji dhomalwiimbo ndhono dha kala tadhi mwenyeke. Okwali kwa ningwa ekondjelo lyepandela mono oshikandjo shUuninginino sha sindana po epandela ndyoka noshimaliwa shooN$857 055.50 omanga oshikandjo shUuzilo sha gongele N$473 284.00.  Aakwantanda oyali ya gongala momwaalu omunene, noya kala taya ndungikathana nkene yena okulonga oshilongatumo yo ya uvithe evangeli lya yela, li ye nuuyuni awuhe

 

 

LEAVE A REPLY

Please enter your comment!
Please enter your name here