Omulandithi momatala a kwatwa a yakapo iilya yaantu

0
410
Yamwe yomaalandithi pOmatala gaNdangwa taya ipula kutya olye ngiika a yaka po iilya yomunangeshefa omukwawo gwiilya mehala ndyoka.

 

ONDANGWA  –  Omukiintu omugundjuka ngoka ha landithile momatala gaNdangwa oshiwike shika okwali a kwatwa konima sho a yakapo iilya yomulandithi omukwawo.

Meme Cornelia Ambiya ngoka naye ha landithile momatalo ogo tuu ngoka okwali a yongola iilya ye ya kana sho eya kiilonga mOmaandaha. Ambiya ngoka ta hokolola kutya momatala okwali i ihulumo mEtitano lya ziko, naasho eya kiilonga Omaandaha ongulonene ngaashi heshi ningi shito okwa ndhindhilike sha shapuka.

“Molwaasho ondali ndeya nokanona kaayetu opwali pweya omulandi a hala iilya no ndali ndeka lombwele opo ka tale pooshako ndhoka hatu thigi twa siikila mpoka hatu landithile, okanona oka lombwele ndje kutya ka puna iilya mpoka nonande twali tushi lela kutya iilya otwa thigile tweyi siikila,” Ambiya ta ti.

Okwali a tseyithile yamwe mboka haya landitha pomatala mpoka osho wo ewiliko lyomatala naamboka haya tonatelepo, oyali ya yi molukongo noya ningi onkambadhala ya ninge omapekapeko, oyali ya uvu okamufofdholo ku yamwe mboka ya landitha mehuliloshiwike kutya opwali meme gumwe ta landitha iilya ashike moshito iha kala niilya mbyoka.

“Meme ngoka ta fekelwa otwa kala tatu mu pula konyala uule wesiku alihe ihe okwa kala ta patana, tango mboka yamwe yemu pula okwali eya lombwele anuwa kutya iilya okwe yi landa ku gumwe ha landitha naye momatala ashike ndhoka odhana kalindi, otwa li twemu etha twa tegelela ngaa ando iitedhulule, ihe sho twa mono etango tali toko otwa tokola tumu fale kopolisi niilya mbyoka ali ena ye a ka pulwe nawa,” Ambiya ta gwedhapo.

Nakufekelwa ngoka a tseyika owala nedhina Nangula sho a falwa kOmiya dhaShinana mOndangwa okwali a itaale anuwa nonande a kala ta pulwa konyala uule wesiku alihe, okwali a itaale kutya oye a yakapo iilya yamukwawo.

Molwaasho okwa adhika a landithapo iilya yimwe mbyoka a yaka okwali a pulwa opo a futilepo iilya yaantu ye kaa uvikile we a yaka po iinima yaantu. Yamwe yomaalandithi momatala oya holola kutya shino hasho oshikando shotango momatala tamu yakwa. Anuwa ohaya kanitha iinima yawo olundji nomathimbo gamwe ohaya lundile owala mboka haya takamitha nokusila oshimpwiyu omatala

Okomitiye yomatala oya kumagidha ayehe opo oshinima shika kaashi endululwe we taya ti ngoka ta ka monika nenge taka uvika a kuthapo iinima yamukwawo ota ka katukilwa onkatu, ye a pewe ethimbo a ka kale manga kegumbo, pamwe ta lundulula.

 

 

LEAVE A REPLY

Please enter your comment!
Please enter your name here