Ondjodhi yaPanduleni otayi ka ninga yoshili

0
302
Indileni Panduleni iipyakidhila nokuthaneka pethimbo lyokudhimbulukwa esiku lyOmunona omuAfrika posikola yawo omwedhi gwayi.

 

 

EVALE- “Ondina ohokwe nehalo okuninga omuthaneki nomutoolinkundana dhingi” Ndjika ondjodhi yomulongwa Indileni Panduleni posikola Evali.

Panduleni okwa kuthileko Kundana kondjodhi ye ndjika pethimbo a kundathanwa naye omasiku gaziko penongelo lyawo.

Omulongwa posikola pEvali okwali a holola nkene ena ohokwe nohole yokuthaaneka, nokuna omukumo kutya limwe lyomomasiku ondjodhi ye ndjoka ta lalakanene otayi ka ninga yoshili.

Indileni Panduleni omunamimvo 10 okwali a holola nkene ena ehalo lyokuthaaneka nokwati okwa hala opo aka ninge omutoolinkundana uuna a mana eilongo lye. Panduleni okwa holola kutya oha fuuka uuna a mona omuntu ta thaaneke nokwa hala a gwanithepo shoka ta lalakanene monkalamwenyo ye.

Nonande eli, moongundu dhopevi elela okwe shi ulike sho poshituthi shoka shali sha ningilwa posikola yawo mpoka, oye a kala ta thaneke ye ta kutha uuvidio.

Omulongi gwe moshilongwa shomauyelele Sarde Amadhila okwa ti sho a tameke okulonga oshilongwa shoka posikola mpoka  Panduleni okwali a ulike kutya okuna ohole yokuthaaneka, naasho osikola ya landa omathano okwa kala aluhe oye a hala ta thaaneke.

“ Onda kala tandi mu dheula sigo a pyokoka nawa nopethimbo ndino ngele tuna iinyangadhalwa posikola oye hi inekelelwa okuthaaneka noku kutha uuvidio. Oha thaneke lela omathano ga yela, nolundji oha pendje ethano ewanawa kutya otuna omutoolinkundana gwetu monakuyiwa,” Amadhila ta ti.

Amadhila ta gwedhapo kutya muJuni oyali ya dhana esiku lyokanona okaAfrika mono Panduleni a kala ta thaaneke, ye ta kutha uuvidio wa yooloka. Nolundji sho anuwa hemu pula ngele ta longo ota ti okwa hala a kale omuthaneki ye ta toola oonkundana , ye a kwathele moku etapo omalunduluko momudhingoloko gwe.

Panduleni pauyemwene okwa ti kali naanaa u uviteko eithano lyuutoolinkundana nonande a kala ena ohokwe yokuthaaneka, nuunongo we owali wa gwedhelwa sho a tamekwa okulongwa oshilongwa shoka pamwe na yakwawo.

Amadhila okwa yelitha woo kutya moongundu ndhoka dhopevi Panduleni oye owala elimo ehole okuthaaneka, nokuna ondjungu mwaayihe mbyoka ta ningi, noha longo iilonga ye yoskola meendelelo shono tati osha gandja ethano ewanawa kutya ondjodhi ye otayi ka tsa komasiku gokomeho.

“Oshi li sha simana opo aanona ya longwe petameko kombinga yomaithano ga yooloka opo sho taya ka pita omitse dhawo odha patuluka no yeshi kutya oya hala oku ka ninga aashike moonkalamwenyo dhawo, natu longeni uunona kutya monkalamwenyo omuna omaithano ga yooloka mono omuntu ongoye mwene to vulu okuhogolola kutya owa hala naanaa oku ka ninga shike uuna wa mana eilongo lyoye, ngoye wu yambulepo eithano ndyoka to lalakanene,” Amadhila ta gwedhapo.

Dream2 Dream1

 

LEAVE A REPLY

Please enter your comment!
Please enter your name here