Opolifi onghee ngaho ili Scholtz mokashoko

0
236

ONGWEDIVA -Opolifi onghene nghaho ili mokashoko okukonga omulumenhu ta popilwa oibofa youngangala ihapu.

Otaku fekelwa omulumenhu ou wedina Jacobus Scholtz, ashike okwa shivika yoo vali nomadina a yooloka mwa kwatelwa Dr. Jonathan ile JJ Lamont namakwao ma hapu a kengelala ovanhu ina shi monika mo nale moshilongo.

Nonande opolifi yali ya pondola okumu kwata po, Scholtz okwa xutuka mo momake opolifi momafiku omulongo 12 a Mei eshi a li a pewa eli futile mo modolongo noshimaliwa shi fike po N$7 000. Okwa li ngeno a teelelwa a holoke momhangu momafiku 26 a Mai, ashike ina monika vali fiyo onena.

Omupopiliko wopolifi Matheus Slogan okwa hokolola kutya opolifi onghee ngaho ili Scholtz mokashoko, sha landula eshi a dopa oku holoka momhangulilo yaMangestalata moRehoboth.

Opolifi oya li ashike tai dulu oku shilipaleka oshibofa shimwe omo vati Scholtz a faduka po ina futa monhele yokunangala hano  bed and breakfast moRehoboth omo a ningile oule wefimbo iha futu sha.

Ashike vahapu ovo va nyola kofacebook, ota va holola kutya Scholtz okwa nyeka ovanhu va hapu, vamwe oihauto ta ti ote kei pangela ashike ihe i alula, vamwe ota va ti okwe va tula mokatoo, ndele teva kufa oimaliwa, eengodi neelaptop. Vati onghalo yokunangala meehotela ina futa ka i pe, na opena oovene veehotela tave mu kongo.

Otaku hokololwa Scholtz oo woludi lovatilyane ena omvalekwa ile omukulukadi wOmuwambo, yee okuna na yoo ovakainhu peenhele dilili nodilili vovalaule. Vati okwa shivika nomadina a yooloka, no noma ifano a yooloka, yee oha popi omalaka omoshilongo nawa mwa kwatelwa Oshimbulu, Oshiingilisa nOshiwambo.

“Okwali naana handi mu mono moGrootfontein omo okakadona kaye kOkawambo haka longo koAir Force ka kala taka lombwele ovanhu ta kati vati ondohotola yopaunamiti,” umwe ta nyola.

Ame okwa li nde mu mona efiku limwe mOkahandja ta kondjifa nge vati nandi mu twale kolukanda, ashike eshi nda anya ko okwa li a handuka nai. Konima onda ka dimbulula kutya mboli okuli mokatuwa kokaGolf muyadi ovalumemhu,” umwe ta nyola vali.

“Okwa li ha kala mOtavi, okwa kengelela nge ocellphona yange nokalaptop,” mukwao ta nyola vali.

“Omulumemhu oo omo ashike a kala mOshakati nOngwediva omo, luhapu oha kala posalona ili mOngwediva  (edina losalona la tumbulwa)…

“Omafiku aa opo ashike ve uya vati vadja kohanimoona nomukulukadi waye,” ovanhu veli li nokuli li osho va nyola ngaho ko facebook.

Shimwe shomoikundaneki yomoshilongo osha hokolola kutya Scholtz okwa kala a holama mOshana Region omo a kala ena okakadona vati omuvalekwa waye.

Ofamili yokakadona oko oye ke mulopota kopolifi, osho sha li sha etifa opo a kwatwe po nokuholoka momhangulilo yaMangestalata momafiku 12 Mei.

Ofamili yokakadona oko vati oya li ya tilifwa komalihumbato a Scholtz, nova kala va tila kutya ota dulu a monife omukainhu oo oshiponga shaashi vati okwa kala nokukonenena keshe osho ta ningi. Scholtz vati okwa kala noku kondjifa opo okakakdona oko ka kala alushe haka tula ongodi yako kembako lomoule opo yee a ude kutya ota ka popi shike no nalyelye. Omolwa onghalo ili ngaho, ofamili oya shivifila opolifi oshinima eshi, na Scholtz okwa kwatelwa koSwakopmund oko a li a ya eke li udifa nawa nokakadona kaye.

 

LEAVE A REPLY

Please enter your comment!
Please enter your name here