Oshiputudhilo shoKarate mOngwediva sha sindana oshindji

0
210
Yathanekwa na Sheyhan, Freddy Mwiiya pethimbo lyoshituthi shokugandja omapapa kaadhani niilyo yenongelo lyawo.

ONGWEDIVA-Oshiputudhilo shoKarate mOngwediva shedhina Karate Zen oshe ya ponomola yotango muudhano wopashigwana mboka wali mOngwediva Olyomakaya gaziko sho iitopolwa oyindji moshilongo ya li ya tumu oosipana dhayo kuudhano mbuka.

“Uunona owundji owa li wa longo nawa noku mona oombandi dhoshingoli naashika oshi li etumba kutse ongoshiputudhilo”, Freddy Mwiya omukuluntu gwasho ati.

Okwa ti Ongwediva oya li ya dhana onkandangala noku ulika uunyakwa muudhano mbuka naashika osha eta opo omakopi agehe  ga thigale megumbo, kokutya mOngwediva moka omo mwa li tamu dhanenwa uudhano mbuka.

Onkene ongulohi yEtiyali oshiwike shika ospana ye oya tsakanene naavali yaanona mboka haya dhana uudhano mbuka opo ya tyapule esindano ndika. Oshituthi tyapulo shesindano osha ningilwa penongelo lyoKarate Zen tali adhika poSpar ya Ngwediva.

Uudhano woKarate ota wu koko mokati kaagundjuka na Mwiiya okwa ti oyendji oye hole uudhano mbuka oshoka oha wu eta evuliko mokati kuunona, nuunona ota wu mono uunongo wokwi igamena ngele owi iyadha monkalo ya nika oshiponga.

Ethigathano ndika olya li lya kuthwa ombinga koosipana dhaza kiitopolwa ngaashi Rundu, Windhoek, Katima Mulilo,Rehoboth noshowo Unam na Nust.

Ethigathano ndika olya li lya kwashilipalekwa kongeshefa yoBuild It Ongwediva, opamwe na Pennypinchers .

 

LEAVE A REPLY

Please enter your comment!
Please enter your name here