VM, tu uvitha noongalo dhe

0
194
VM ngoka ta imbi oongalo dhe dhopambepo ye itaa sholola.

 

Windhoek-Gumwe gwaahikingalo dhopambepo, Absalom Salom, a tseyika nedhina moongalo oye VM, onkene ta tsikile noku taandelitha etumwalaka lyOmuwa, ta shi pitile moongalo dhe.

VM okwa kala ethimbo ele moshitopolwa shuu hikingalo, moka a kala noku imba pamwe naahikingalo yopondje yiilongo ngaashi Zara, Khumo, Suggie Fisher na Patrick Kethsabile, oomvula dha piti.

Nonando VM ke shiwike koyendji moshilongo, methimbo ndika okuli  gumwe gwomaahikingalo mboka taya landitha nawa oongalo dhawo unene moshilongo.

Shika oshali sha hololwa ku Antonio’s Art, ehangano ndyoka hali ningi ethigathano lyaahikingalo dhingi mboka haya landitha ooalubuma dhawo odhindji unene kehe oshiwike.

Omuimbi nguka omunamimvo 32, okwa valelwa monooli yoshilongo, mondoolopa yaMuthiya, moshitopolwa Oshikoto.

VM okwali eya moVenduka mo 2001, moka ali nokuli a tameke oku imba oongalo dhopambepo. Okwa holola ta ti, ye okwa landula ohole ye yoongalo, noku imba oongalo dhopambepo, oshoka okwali a hala oku taandelitha etumwalaka lyOmbepo Ondjapuki tashi pitile momaimbilo ge.

Momumvo 2014, VM okwali a pititha oalubuma ye yotango yedhina Soul Healer, ndjoka yali ya landitha uuCd waadha po 7 000. Okangalo ke kotango, My Way, okali ka taambiwako koyendji, nokali ta ka inyenge nawa mooradio dhOshiwambo, shoka shali she mu etele aayambidhidhi oyendji moongalo dhe.

Omvo gwayi, VM okwa li a mono ompito ombwaanawa yokuya methigathano lyaahikingalo dhingi aaNamibia (Namas), mboka haya imbi oongalo dhopambepo dhingi.

VM okwali ishewe akalelepo oshilongo, sho ali a imbi mo South Africa no Botswana, omathimbo gaziko. Okwali ishewe a imbi koshituthi sho “My year of dance” shoka shali sha ningilwa moGhana muJanuali nuumvo.

Kakele ashike kwaashika, VM okwa kala ta talelepo oondholongo moshilongo, nelalakano lyoku popya naanandholongo, eya kumagidhe yo ya ihumbate nawa, ishewe yo ya landule ondjila ya Kalunga.

Ngaashingeyi VM okui ipyakidhila noalubuma ye ontitatu, ya landula ndjoka yedhina I am Comforted, yapitile omvula yaziko, yali yina oongalo 12, noya landithile uucd waadha po 2 000. Pethimbo ndika VM okwa ti ota ka ninga oalubuma yi na etumwalaka lyoonkondo, nokwa hala aayambidhi ye ayehe opo yakale yamona oshipambu shoongalo dhe ndhoka oombwaanawa.

Okwa kumagidha opo aantu ayehe kaaya tile nando oku gandja omatumwalaka gawo ngele tashiya pombepo ondjapuki, yo yatile noku simaneka  Kalunga.

 

 

 

LEAVE A REPLY

Please enter your comment!
Please enter your name here