Iiyenditho

0
234
Ondungethaneko yelikolo Harambee oya shike

Molwasho Namibia okwa hala okuninga ehala lyuupitilo wiipumbiwa muumbugantu wAfrika okuthika pomumvo 2030. Omapungulo omanene oga pumbiwa momaludhi agehe gane giiyenditho, kokutya, oondjila, olutenda, iikwafuta oshowo iikwandhila.

Ehumokomeho moshitopolwa shiiyenditho olya kala lya tulwa komeho moopoloholama adhihe dheyokomeho lyopashigwana, ndele omomathaneko ashike Omatine sho elalakano lyaNamibia okuninga oshilongo shuupitilo lya gwedhwa mo noku ningwa oshilalakanenwa.

Onkene shika osha fala melongitho lyoshimaliwa oshindji okutunga po iiyalo yiiyenditho. Opethimbo lyomathaneko Omatine geyokomeho sho iilonga yoku nenepeka etuliloskepa lyaMbaye ya tamekwa, molwashoka ndika olya adhika tali longo shithike poonkondo dhalyo. Oshikwawo opwa yiwa nawa komeho metungepo lyiikwandjila yimwe oshowo endjekepo lyomayakulo gegameno puupale woondhila uunene moshilongo. Nando koombinga dhimwe dhiiyenditho okwa humwa nawa komeho, olutenda olwa kala inaalu silwa nawa oshimpwiyu. Oshoka iitopolwa yimwe yolutenda oya pumbwa okulongululwa nenge okupingenwapo naambyoka iipe. Ngele olutenda inalu longululwa nena shika otashi ka gandja enwethemo ewinayi kenenepeko lye tuliloskepa lyaMbaye.

Omahangano omanene goosikepa oga ulike kutya ooskepa dhago otadhi kala ashike tadhi tula metuliloskepa ndika ngele oshilongo oshina omalutenda taga longo nawa. Onkene eopalekululo lyolutenda pokati kOmbaye nOshomeya oyo iilonga yimwe mbyoka ya pumbwa oku endelelwapo mbala  omolwa egameno lyaalongithi yolutenda.

Oomina  ndhoka dhili kooha dholutenda nadho odha ulike kutya odha hala okulongitha eshina lyokolutenda oku enditha iipumbiwa yadho osho wo okutumina pondje iilongomwa yadho, okuyeleka nokulongitha oopate noololi ndhoka dho dha talako dhina ondilo oshowo dhaana egameno lili nawa.

Pethimbo ndika elongitho unene lyomahauto goondongelwa ohali eta eyonagulo lyoondjila naashika ohashi eta eyonuko ndyoka lina ondilo  okukalekapo noku opaleka, oshowo ohali nkundipike egameno lyaalongithi yalwe yondjila.

Eudhililo lyiiyenditho itali monika ashike moondjila dhimwe dhopashigwana , ihe ndika otali adhika wo miilando mbyoka yi na aakalimo oyendji ngaashi moshilandopangelo Ovenduka, oshowo  pokati koVenduka no Rehobota, Venduka nOkahandja, Ombaye nOshiwakopo, Omuthiya nOndangwa.

Otwa thaneka oku katuka oonkatu ndhika opo tu hwepopeke onkalo yeinyengo lyiiyenditho yomaludhi agehe gane.

Kombinga yomalutenda, ngaka taga landula otaga ka ningwa nawa pethimbo lyoHarambee. Okundjekapo olutenda pokati kOmbaye nOshomeya , niilonga mbika oya tegelelwa okumanithwa momumvo 2020.Okuyeluthapo olutenda lwookilometa 40 pokati ka Sandverhaar- Buchholzbrunn .Okutunga uupitlo wevi lyomombuga ndyoka hali file olutenda lwopokati ka Aus naLindili. Oku etapo eshina lyokuhumbata aaniilonga pokati kaVenduka mokati noKatutura oshowo nomalukanda galwe.Oku tulapo iilonga yeshina lyokolutenda  pokati ka Rehoboth na Venduka, olutenda pokati kaVenduk naKahandja oshowo eshina lyaaniilonga pokati koVenduka nokapale koondhila kopaigwana ka Hosea Kutako.Omathaneko ga ngele iiyetwapo mbika otayi vulu okutungwa shili otaga tegelelwa ga gandjwe koKabinete muMaalitsa 2018.

Oonkatu tadhi katukwa okuopaleka oondjila ongaashi okutunga oondjila dhomikala mbali ombinga nombinga pokati kaVenduka nOkahandja,iilonga mbika oyili metifa na oya tegelelwa okumanithwa muDesemba 2019.

Oshikwawo okutunga wo oondjila dhina omapola gaali ombinga nombinga pokati kokapale ka Hosea  Kutako noVenduka, nokumanitha iilonga mbika okuya pu Desemba 2019. Okutunga wo ondjila yomapola gaali ombinga nombinga pokati kOmuthiya nOndangwa. Iilonga yondjila ndjika otayi ka tamekwa pethimbo lyoHarambee ndele otayi ka manitha ashike konima yomumvo 2020.

Ondjila yopokati ka Karibib-Usakos-Swakopmund mondjila yomapola gaali  oshowo omahala guupitilo mpoka pwa londa otayi tamekwa wo pethimbo lyo Harambee na oya tegelelwa okumanithwa konima yomumvo 2020.

Omanga ondjila yopokati koSwakopmund-Walvis Bay otayi tulwa omapola gaali ombinga nombinga  okuya pu Desemba gwomumvo 2019. Ondjila yopokati kaSwakopmund-Hentiesbay-Kamanjab oku yi ninga yoteya oya tameka na otayi yi sigo okonima yaHarambee.

Iilonga momatuliloskepa oshowo uupale woondhila.Iilonga yokunenepeka etuliloskepa lya Mbaye otayi tsikile noku manithwa mo 2018. Epola lyokulambela oondhila pokapale kaEros moVenduka otali  ndjekwapo  noku manithwa okuya mu Juni 2017. Omanga endjekepo lyondjila yoondhila pokapale kaMpacha moKatima Mulilo otali  ningwa sigo opehulilo lyomumvo 2018. Yo iilonga yoku opaleka okapale ka Hosea Kutako  pamwe nondjila yoku lambela oondhila  nayo otayi ka tamekwa wo pethimbo lyoHarambee.

Omauyelele omakwatathano nuuteknologi

Omakwatathano gopangodhi  oga hwepopala  mbala sho oongodhi dhopeke dha etwa moshilongo pokati komimvo dho1990.Elongitho lyoongodhi ndika olya pupaleke onkalamwenyo oshoka aalongithi yadho oye na ehogololo okulonga iinima oyindji noongodhi ndhoka, ngaashi ointaneta moka haya tumu omatumwalaka noku taamba wo omatumwalaka. Oongodhi ndhika ohadhi longithwa wo okufuta iimaliwa noshowo omayakulo galwe gopankalathano neilongo.

Namibia okwa konyekwa/mangelwa wo kongodhi yokohi yefuta ndjoka ya pita kuuninginino waAfrika okuza mu Mai 2012. Ekwatakanitho ndika lya Namibia kongodhi yomakwatathano ndjika  olya nenepeke oonkondo dhointnanete moshilongo. Naashika osha pe aantu oyendji ompito oku longitha ointanete moshilongo.

Ekwatathano lyopa intanete lyepangelo na lyo  olya ningululwa na otali ndjekwapo opo li ye poonkondo dhoku endelela kuunene womegabits 600 mosekonde.Shika otashi ka gandja ompito opo omayakulo gepangelo ga kale taga adha oshitopolwa kehe moshilongo. Uuna omayakulo ngaka ga thikama po nena aakwashigwana otaya vulu okukala taye ga longitha okupitila mo intanente.

Olutu lwoku wilika omakwatathano gopashinanena nenge Communications Regulatory Authority of Namibia

(CRAN) olwa dhikwapo okutala kutya  oshitopolwa sho ICT osha humithwa komeho mokati koshigwana. Oshikwawo okutala kutya omuntu kehe ota vulu okulongitha omakwatathano ngaka noku ga adha kondando yili nawa.

Namibia okwe shi pondola wo oku lundululila iilonga yoTiivii ye okuza komukalo omukulu hagu ithanwa anolgue okuya kwaangoka gwopashinanena hagu ithanwa Digital Terrestrial Television (DTT) ngaashi sha uthwa kolutu lwopaigwana  lwopamakwatathano gopangodhi nenge  International Telecommunications Union [ITU]. Oshikwawo etseyitho lyo 4G Long Term

Evolution-LTE technologies olya pupaleke omukalo gwokuya mo intanete neendelelo. Oshikondo shoMICT osha tunga omandiki omilongo 26 Multi-Purpose Community Centers

(MPCCs) miitopolwa ayihe omulongo 14 ngoka ge na iilongitho yopa ICT  , elalakano okushonopeka eyooloko ndyoka lili pokati kiitopolwa ngele tashiya melongitho lyuutegnologi.Oshoka momandiki ngaka aakalimo yokuushayi otaya vulu oku ilonga wo nkene taya longitha uuteknologi uupe.

Namibia okwa katuka oonkatu oonene moshinima shuuteknologi ihe nando ongaaka okuna natango omashongo moku fala mbuka komahala gokuushayi. Nomashongo ngaka oga pumbwa oku monenwa omikalo omipe  nkene taga taagulukwa.Gamwe gomomashongo ngaka ongaashi okwaana olusheno momahala ngoka gaashi naanaa iilando natango oshowo momahala gokokule nokuushayi.Oshikwawo iilongitho yoku fala omakwatathano ngaka yaapo pomahala ngoka ngaashi ooshungo dhomakuthikuthi.Ondilo yokutungapo iilongitho mbyoka pomahala gokokule  naashika otashi ka ndilopaleka omayakulo ngaka uuna aalongithi yago taye ga longitha.Ontseyo yoku longitha iikwaICT oyili pevi natango mokati koshigwana sha Namibia, naashika osho tashi ngambeke opo aantu ya longithe omakwatathano ngaashi mokulanda iipumbiwa okupitila mointanete.Opena wo omahala omashona mpoka aakwashigwana taya vulu oku adha omakwatathano ngaka  momahala gokuushayi.

Ondilo yiifendela kiilongitho yo ICT oshowo ongushu yondola ya Namibia okuyeleka niimaliwa yopondje yiilongo mbyoka aalandi yiikwaICT haya longitha uuna taya landa iilongitho mbyoka pondje yiilongo.

Omashongo ngaka otaga palamenwa koshikondo sho MICT tashi kwathelwa pauteknika kehangano lyOmakwatathano goongodhi muuyuni nenge ITU unene oku ngongapo omulandu gwelongitho lyiikwa ICT.Omulandu nguka otagu lalakanene oku etapo  ondjila ndjoka yi na oku endwa uuna taku humithwa komeho omakwatathano ngoka moshilongo ashihe opo ngaka ga vule oku adha omuntu kehe.

LEAVE A REPLY

Please enter your comment!
Please enter your name here