Kabouterland otava pula eyambidido

0
196
Ounona ovo havafikola po Kabouterland Kindergarten mo Aus, kolumosho okwafikama omukwatelikomesho woKinder  Jacopina Seistel , novanailonga veli ofika konima.

Aus – Okindergarten yedina Kabouterland ili moAus moshikandjohoololwa sha!Nami#nus mo//Karas, ota i kongo eyambidido, loidjalomwa youtalala i vatele ounona ovo hava fikola pokinda opo.

Omukwatelikomesho woKabouterland Kindergarten, Jacopina Seistel okwa lombwele Kundana kutya omolwonghalo youtalala pefimbo eli, ova didilika ounona vahapu hava efa po manga okuholoka keetundi.

Onghene Seistel okwa ininga eindilo koshiwana opo ounona ovo hava i kokinda  va monenwe evatelo loikutu lela youtalala, opo  va dule oku li amena koutalala ngee tava i ko Kinda naashi yoo veli meetundi.

Seistel okwa ti po Kabouterland Kindergarten mefimbo lopaife ovenapo ounona veli 30. Ohava tambula ounona okudja peedula mbali fiyo okwaavo vena eedula dili nhano.

Ounona ohava hovele eetundi davo po 07h30 fiyo opo tundi 12h00. Seister okwa popya yoo kombinga yomashongo oo a taalela okinder ei ta ti omolwa omhumbwe yoilonga mo Aus ovakulunhu vamwe ihava longo,na ihava dulu okufutila ounona vavo.

Okwa denga omufindo opo kutya ounona ovo  vatala kutya ovakulunhu vavo  kavena oiyemo shili yasha,iha veva temo mofikola ohava twikile ashike nokukwafela ngaha oshiwana, voo ovo vena ovadali hava mono ngaa oiyemo, voo tava futile ovana.

Seistel okwa pandula unene ehangalo lo Scorpion Zink olo hali va yambidida mo programma yokupalula ounona po Kabouterland Kindergarden. Ta tumbula kutya pa yambidido lo programma yeendja oyo hava mono ohava palula ounona ovo haveya koKinder efiku keshe okudja omaandaha ndele fiyo etitano.

Pokinda opena ovanailonga veli va tatu , ovalongi vavali nomuwapaleki umwe.

 

LEAVE A REPLY

Please enter your comment!
Please enter your name here