Key otaka ulika uunongo we koPhilippines

0
423
Key Haikola ngoka ta ka ulika uunongo we woku katuka pondje yoshilongo methigathano lyaMiss Global.

 

 

Windhoek- Gumwe gwaakadhona mboka haya katuka nawa moshilongo, Ester “Key” Haikola, okwa hogololwa oye aka kalelepo Namibia mo Philippines, pethimbo lyoshiindingili sho Miss Global nuumvo.

Oshituthi shika otashi ka ningilwa moManila, okuza momasiku 10-24 Sepetemba 2016 , poshinyanga Shiigongi shOpaigwana.

“Otwa nyanyukwa oku ku hogolola ongomukalelipo goshilongo sheni Namibia no tu uvite kutya oto ke shi pondola,” omukuluntu gwo Miss Global, Tea Mak osho a popi einekelo lye mombapila ndjoka ali a tumine Key.

Key okwa holola enyanyu lye ta ti oku uvite uuntsa netumba, mokukalelapo oNamibia pondje yiilongo moshinakugwanithwa shika sha simana noonkondo.  “Sigo oompaka otandi taamba ehiyo ndika  no ndapandula Kalunga kandje kompito ndjika onene ndamono monkalamwenyo,” Key ta ti.

Okwa gwedhapo ta ti shampa a sindana, ota ka longitha ompito ndjika oku kumika aakadhona yomoshilongo ya tameke okukutha ombinga momathigathano gatya ngeyika, noku tula iipewa yawo miilonga.

Key okwa tamekele oku enda okuza momumvo 2002, manga ali ashike ena oomvula 9, nokwa sindana iikoloni oyindji meni lyoshilongo, na ishewe okwa kutha ombinga miituthi mbyoka yoku ulika oonguwo ngaashi Afro-Cat fashion show mo 2013 naUnam fashion show omvo gwayi.

Miss Global oshituthi sha nuninwa oku ulika uunongo waakadhona mbaka okuza kiilongo ya yoolokathana, nomithigululwakalo dhawo.

Mak ngoka he shi kwatele komeho, okwa holola kutya nuumvo otapu katya pwakwa, oshoka aakadhona ayehe otaya ka yakulwa nawa mo Philippines.

Omvogu Jessica Peart omuAustralia oye a sindanene po oshikoloni shika.

Key nando a mono ompito ndjika, okwa holola kutya, okwa pumbwa ekwatho opo a vule okulanda okatekete kolweendo okuya noku galuka okPhilippines , oonguwo, nofuto yokukutha ombinga.

 

 

 

Key Haikola ngoka ta ka ulika uunongo we woku katuka pondje yoshilongo methigathano lyaMiss Global.
Key Haikola ngoka ta ka ulika uunongo we woku katuka pondje yoshilongo methigathano lyaMiss Global.

 

 

 

 

 

 

 

 

 

 

 

 

 

 

LEAVE A REPLY

Please enter your comment!
Please enter your name here