OvaAus va pandula oambulansa yavo

0
231
Okudja kolumosho Johanna Mhata, Seargent  Penehafo Josef oshoyo Menette Mwanyangapo vafikama po Ambulansa ipe oyo ya yandjwa kokapangelo kopoAus oshivike shaya.

Aus- Ovakalimo vomoAus ovapandula unene Ouministeli wOuhaku nOnghalonawa eshi ye va pa oambulansa, idule okulongifwa pokapangelona komokadoolopa kavo.

Aus okandoolopa moshikandjohoololwa sha !Nami#nus moshitopolwa sha //Karas okakala efimbo lile kehena oshiendifo shoku twala ovanaudu ovo tava yahama unene koihakulilo yakula koKaiti ilo koLindili.

Omunambelewa omukulunhu mouMinisteli wouhaku nonghalo nawa Andreas Mwoombola oye ayandja pambelewa oAmbulansa ei  kOkapangelo kopo Aus oshivike shaya.

“Otwa pandula unene eshi epangelo letu dimbuluka noku tumina o ambulansa pokapangelo ketu, po Aus, otwa kala unene hatu mono oixuna, nonande omunhu a mona oshiponga komalukanda oku, otwa kala hatu kendamala oku indila eetuwa dopaumwene opo di twale omunhu a tya ngaho kokapangelo, paife ofye ovanelao, ngee opa holoka oshiponga ohatu dengele ashike kokapangelo, otwa pandula unene eshi twa mona oambulansa.” Johanna Mhata omukalimo womo Aus osho  a tumbula.

“Otwa pandula unene eshi twa mona oambulansa, shaashi otwa kala unene hatumono oixuna mo Aus, ngee omunhu okwa ombokelwa ndee ta twalwa kokapangelo ketu mo Aus, ndele okwa pumbwa aye koshipangelo shepangelo ko Lüderitz, omunaudu oo okuna oku teelela oambulansa idje koLüderitz oule weekilometa 120 opo yi mu ile ko, a dule okukapangwa koshipangelo ko Lüderitz.

Oshinima shimwe vali o Aus oili pomashakeneno eendjila, ou tadi ko Lüderitz naau tai ko Oranjemund no ko Rosh Pinah aveshe ovena oku enda mo Aus opo vadule okuya nondjila ya Keetmanshoop. Po mudingonoko wo Aus ohapadulu yoo oku holoka noiponga yomeendjila, ovanhu ohavadulu okukala efimbo lile ina va kwafelwa omolu oambulansa oyo ina okudja kokule, oule weekilometa difike 120.

“Paife otwa ninga elao shili, eshi twapewa oambulansa mo Aus, ohatu pandula unene epangelo letu eshi tali kendabala oku eta omayakulo popepi noshiwana.” Seargent Penehafo Josef osho a yandja olupandu laye.

“Eli olo nee ehumo komesho twa kala twa teelela, paife oambulansa otwa mona mo Aus, ehumo komesho otali endeleko, nande tali ende kashona, otu wete ngaa kutya shihapu twakala twa teelela ngee tashi uya kombinga ye humokomesho, ondeli neekela otashika fika diva mo Aus.” Aa omatumbulo olupandu adja mokanya ka Menette Mwanyangapo omukalimo womo Aus.

 

 

 

 

LEAVE A REPLY

Please enter your comment!
Please enter your name here