PLAN Etanga lyaakwiita aaiyambi iitopolwa yopakwaita:  Omatanga gowina

0
259

 

Obrigade ndjika oya ka tembukila kEteve omukunda guli kUumbangalantu Zilo woLubango. Okommanda yObrigade ndjika yOtango hayi longitha iiyenditho oya li hailwa Niilo Taapopi “Kambwa ka Shilongo”. Pethimbo embo ndika tali nyolwa, hailwa Taapopi okwa li Omunambelewa Omukuluntupitithi mElelo lyoshilando shaVenduka. Okommissala yOpapolitika yoBrigade ndjika okwa li hailwa Jafet Angolo “Kamati ka Nanguwo”. Hailwa Nanguwo okwa li ena omupevi gwe nakusa hailwa Kornelius. Omukuluntu gwaawiliki mobrigade ndjika ethimbo ndyoka okwa li hailwa Nestor Gabriel ‘Ngoya ya Kayala.” Hailwa Gabriel okwa ka landula hailwa Taapopi ongo oye Kommanda gwoBrigade yOtango ndjika, omanga ehala lye miilonga yUukommisala olya ka kuthwapo ku hailwa Philipus Kamati “Shikuma sha Kamati”

O Mechanised Brigade yotango oyali ya  thikama miitopolwa itatu hayi ithanwa Infantry Mechanised Battallions, iitopolwa iyali yo Artillery Battallions oshowo omatanga gamwe goku kwathela. Ngaka oga kwatelamo, okampani yuundaadhi, okampani yomakwatathano, okampani yuunamiti, okampani yuuinginia/yokuhanagula, okampani yomalongekidho giipumbiwa, okampani yiiyenditho, okampani yokupangela iilongitho, ongundu yegameno koondjembo dhomombepo, strela Platoon, okampani yootenga oshowo oKlaba yoofilima.

Obrigade ndjika oya li ya homatekwa noondjembo oonene noondhigu ngaashi ootenga dha longwa mo Soviet  dholudhi lwo T-35 ondjembo dho Strela C-2M:ondjembo yootenga yoomilimeta 10 ,B-10 yoku yaha ootenga:ondjembo yoomillimeta 82 yokuumba oomortiira, RPG-7 yokuumba oorocketa, oondjembo dhokuumba oondhila dho ZGU-1 noZU-23.

Kakele kaandhika dha tumbulwa pombanda obrigade oya li wo ya homatekwa iikondjitho yilwe.

Oohailwa mbaka oya li ya longo ongo aawiliki yoobrigade ooshona.

Omukuluntu Gwiilonga niinakugwanithwa : nakusa hailwa Christ Mazila ta kwathelwa ku nakusa Hailwa Progress.

Omukuluntu gwongundu yetanga lyoondaadhi  : Hailwa Manyami ga  Lugambo.

Omukuluntu gwOmakwatathano Hailwa nakusa Mushe:

Omukuluntu gwoondjembo oonene:hailwa David Naundjoba.

Omukuluntu poondjembo dhoku yahamo oondhila:Hailwa Risto Kapenda.

Mbaka oyo yamwe yomoohailwa mboka ya longa oshindji  medhikopo nekalekepo lyoBrigade ndjika yotango. Ewiliko lyetanga ndika olya kala noku taaambathanwa ethimbo iita yemanguluko ya tsikile sigo opehulilo, sho epangelo lyuukoloni lya thiminikwa noku dhengwa pakwiita polugodhi lwopo Cuito Cuanavale moAngola shoka sha fala metulo miilonga lyokatokolitho 435 kIigwana Hangano. Haka oka fala momahogololo gopashigwana muNovemba 1989 ngoka ga sindanwa po koSWAPO.

Omatanga galwe goPLAN oga kwatelamo Red Square Battallion: Moscow Battallion, Bravo Battallion: Alpha Battallion, nosho woArtillery Striking Unit. Meni lyobrigade osho wo oobattallion omwali oongundu dhowina ngaashi dhiilonga yuuinginia, uundaadhi, aakondjithi yiilonga yomonaguwi yomutondi, uunamiti oshowo oshikondo shomalongekidho noku enditha iipumbiwa.Omatanga nenge oongundu adhihe ndhika kutya nee oobattalliona noongundu ooshona odha li hadhi kommandwa okuza Koombelewa oonene dhokuKommanda dhoPLAN.

Oongundu ndhika odha li dha homata iikondjitho noondjembo oonene hadhi umbu iikuti tayi adha kokule.Odha li dhina ootenga, APC, oomissile dhoku yahamo oondhila, oshowo omatati galwe ogendji ga pumbiwa okudhenga aatondi yekondjelomanguluko.

Oobattalliona odha longa oshilonga oshinene oku kondjitha UNITA pamwe naamboka ali ha longo nayo melalakano lye  okuumbako epangelo lyAngola koshipundi. Oobattallion ndhika odha li dha                                                                                      tulwa momahala moka UNITA a li ena mo aakwiita taya kondjo. Onkene oobandite dhaUNITA  otadhi shi hokolola nkene dha dhengwa uuna ndoka dha shongo aakwiita yoPLAN. Oobattallion odha li dha andjaganekelwa miitopolwa sha Huila, Cuando Cubango, oshitopolwa shopokati oshowo oshitopolwa sha Kunene ombinga yimwe. Iilonga yadho oya li oku kondjitha  obandite dhaUNITA nomathimbo gamwe odha kondjo wo nomatanga  gowina gomukolonyeki  ngoka ga li ga tuminwa muule moAngola okukondjitha aakwiita yoPLAN oshowo okupiyaganeka aantu yAngola.

Omatanga ngaka gena iiyenditho niikondjitho yilwe hayi ende ku yo yene nenge Mechanised Brigades oga dhikilwepo opo ga kale omatanga goreserve taga vulu oku kondjitha etanga lyomukolonyeki miita yaashi yopa guerrilla. Ngaka oga li gena iikondjitho yopashinanena, ngaashi ootenga, oondjembo oonene dhiikuti iinene, dhimwe dhaandhoka dha li dha patelwa kiihauto. Ngaka oga li wo gena aakwiita yadheulikika , yo mbaka oya li yi ilongekidha oku kondjitha  aakwiita yomukolonyeki mehala lya andjuka. Aakwiita mbaka oya li ya dheulwa nawa miita ngaashi hayi hingwa komatanga guu kwiita waashi woguerrilla onkene mbaka oya li taya longekidhwa okufoloma po etanga lyuukwiita  lyopashigwana moNamibia yamanguluka.

Sho omainyengo gopakwiita gaUNITA[National Union for the Total Independence of Angola] moAngola ga indjipala , aakwiita oyendji yomoobrigades ndhika oya  andjaganekelwa meni lyAngola okugamena iinima ya simana mwa kwatelwa oondjila ndhoka dha li dha simana kuSWAPO osho wo kaantu yAngola.Aakwiita oya li wo ya tulwa pomahala ga yooloka okugamena omahala gaaluhe goSWAPO, ngaashi ookamba dhoontauki, nenge omalukalwa mpoka puna oontauki, okugamena omahala moka hamu pungulwa iipumbiwa, oshowo oondjila pokati kiilando noodoolopa moAngola. Omatanga oga li wo ga gamene oondjila oonene moshitopolwa oshinene moAngola.Oyendji yomaakwiita  yomoobattallion ndhika oya longo okugamena ondjila onene pokati ka Luanda naLubango. Omanga aakondji mboka kaa yali oshitopolwa shoobrigades noobattalliona oya li ya tuminwa komahala ngaashi Cabuta, Ngunza  moKwanza Sul noku gamena okamba yoontauki poN’dalatando moshitopolwa sha Kwanza North.

Molwashoka eyandjaganeko lyaakwiita mbaka olya li okuyeleka mo obandite dha UNITA, opwa li elongelokumwe pokati koPLAN netanga lyegameno lya Angola[FAPLA]. Poompito odhindji oongundu ndhika mbali odha li dha longele kumwe paukwiita okuyeleka mo oobandite dha UNITA miitopolwa iinene, nenge okupatolola pamwe mooha dhoondjila oonene. Oshikwawo oya li wo ya ponokele UNITA mpoka a tunga ookamba tadhi kalele.Iilonga yomumwe yopakwiita oya ningilwa miitopolwa unene sha Cuando Cubango, Malanye, Bie naHuila.Omatanga gaAngola oga kwathele aakwiita yoPLAN unene uuna mbaka yena okutaaguluka omilonga , okulongitha oombautu nopontoon dhoku taagulukitha omahauto. Etanga lyAngola olya li li na iilongitho mbika ya gwana ngele tashiya poku taaguluka omilonga.

Esimano lyelongelo kumwe ndika olya li lya ulikwa ishewe okuza omumvo 1986-1988 sho Obrigade Ontiyali yoPLAN ya li ya kondjitha UNITA muukumwe netanga lyegameno, lyaAngola miitopolwa  ya Cuando Cubango, Malnge, Huambo. Shoka shasimana oosho aakwiita yoPLAN ya kondjo naakwiita ya UNITA poAndulo. Etanga lyo FAPLA olya kwathele etanga lyoPLAN okutaaguluka omulonga gwaCutatu sho ontompa komulonga ngoka modistrict ya Calusinga ya tewa po omanga etanga ndika lya li lyu uka ko Cuito Cuanavale moshitopolwa moka oobandite dhaUNITA tadhi kwathelwa kaakwiita yowina ya South Africa dha li tadhi kondjitha FAPLA , Aakuba noPLAN.

Obrigade ndjika oya longo nuudhigu okuthika koCuito Cuanavale  hoka Aakuba nomatanga ga Angola ga li taga kondjitha UNITA pamwe nomatanga gomukolonyek South Africa.

Olugodhi nduka olwa li lwa pupyala  naanduka olwa fala medhengo lya South Africa kehala lyiita. Esindano ndika olya thiminike South Africa opo a zimine oku kundathana kombinga yoku gandja emanguluko ku Namibia.Iita yopoCuito Cuanavale oya longo UNITA na South Africa oshilongwa kutya kapena etegamenop lyawo okusindana miita mbika.

Obrigade ndjika ontiyali oya li ya kommandwa petameko kuNgoya ya Kayala ngoka a ka landulwa ku Mapaya Shuuya. Ndjika oya li yi na oobattallion dhaakwiita yokolupadhi dhili ndatu ongundu yimwe yoku yahamo oondhila mombanda.

Ookommanda dhoobattalliona dhilwe ndhoka dha kuthile ombinga miita yopo Cuito Cuanavale oya kwatelamo Moses Shapwanale “ Mbongolo ya Mahata.’ Kommanda gwo brigaede yotango. Herman Shilunga Shomungandjela, Kommanda yobrigade ontiyali naDavid Shinyengu sh’Omakiya Amadhila, Kommanda yobattalliona ontitatu.Ookommanda yoondjembo dhoartillery odha li John Haufiku, na David Shipukasha Anghuwo okutumbulapo ashike yamwe mboka ya li oshitopolwa shobrigade ontiyali. Otandi dhenge wo omuthindo mpaka kutya ookommanda ndhoka omadhina gadho inaaga nyolwa mpaka nadho odha longa oshindji pethimbo lyiita yi ili noyi ili mokukondjitha UNITA,  naamboka ya li taye mu sikumudha.

 

LEAVE A REPLY

Please enter your comment!
Please enter your name here