Sedjo Mind otaka thaneka uuvidio uyali

0
277
Sedjo Mind ngoka taka  thanekitha uuvidio uyali woongalo dhe ehulilo shiwike ndika moVenduka.

 

Omuimbi gwoongalo dho House, Hip hop noAfro-pop, Lusian Ndadaleka Eugenio, a tseyika nawa Sedjo Mind otaka  thaneka uuvidio woongalo dhe mbali.Pinehas Nakaziko ote tu kundaneke.

Kundana okwa uvu kutya Sedjo Mind gwo Legend Music Production, nomwiimbi dhingi monooli yoshilongo nomoAngola, otaya ka longa pamwe nomuthaneki Mamba, gwo Mamba’s Mansion, okuthaneka uuvidio woongalo dhe mbali, moVenduka ehulilo shiwike ndika.

Sedjo Mind nomuthaneki nguka otaku hokololwa ya kala noku ulika iilonga yawo pamwe moshigwana, noya li ya tokola lwahugunina oku thaneka uuvidio woongalo wedhina “Give me a chance” na “Self in the mirror.”

“Ehala mpoka tatu ka thanekela otatu keli tseyitha nale koIntaneta, na kehe omuyambidhidhi gwetu okwa ithanwa kethaneko ndika,” Sedjo Mind ta ti.

“Give me a chance” ongalo yo Afro-pop moka ta kwathelwa ku Boss Kid, yo ndjika ohayi pulakenwa koyendji unene tuu pomahala gwokunwina naampoka hapa dhanwa omalyukulyuku. Omanga “Self in the mirror” ongalo ndjoka opo ya piti yoludhi lwo Hip-hop.

Sedjo Mind okwa ti uuvidio mbuka otawu ka kala wa thika ko NBC noko One Africa TV pehulilo lyomwedhi nguka, manga inaa wu tamekwa oku ulikwa moAngola.

“Sigo oompaka otuna oongalo dhi li 15, nonda hala oku kambadhala ndi kale nda pititha ndhika manga Desemba inaa thika.

 

 

 

LEAVE A REPLY

Please enter your comment!
Please enter your name here