Shaanda i itsuwa a sila mepya

0
411

 

UUYOKA – Omulumentu gwoomvula 48 okwali i itsuwa a sila mepya lyaandjawo kumumwayina. Oshiningwanima shika oshali sha ningwa Omaandaha goshiwike shika, pethimbo lyokomatango elela.

Petrus Amukoshi ngoka atseyika nawa nedhina Shaanda otaku hokololwa a meneka taka teka omeya pokapomba keli popepi. Okwali anuwa ayi nondini ye ta thigi mumwayina megumbo.

Mumwayina gwaShaanda Mateus Amukoshi , ngoka oye awike ya kalamo naye megumbo okwa ti okwa kala a tega mumwayina ando a galuke kokapomba ashike ineya.

“Onda kala nda tegelela a galuke oshoka onda kala ndi wete a kalako unene , ye shito ngele a ka teka oha ziko ngaa mbala, onda tegelele ku toke ngame ndi tale ngele teya, oshoka  onda kala teti pamwe okuli puushiinda, sho nda mono kwafa taku toko ihe ineya ondali nda tokola opo ndimu landule ngame ndi tale ngele tandi mu mono,” Mumwayina ta ti.

Mateus ta ti okwali a landula ondjila a tale ngele temu mono, manga anuwa azi megumbo okwa mono ondini yili mepya lwopomitatahe, naasho anuwa a hedha popepi okwa mono mumwayina a lala, okwali anuwa ti ipula kutya ngiika okwa lala owala ihe sho a hedha popepi okwali a mono kutya anuwa okwa hulitha nale.

“Molwaasho okwali ethimbo lyokwatoka otwali twa ningi onkambadhala tu ithane opolisi ndjoka ye keya lwanima, megumbo otwa kalamo otse atuke yaali, aashiinda oyali ya gongala mpoka twa tegelela opolisi, opo yi ilepo nakusa,” Mumwayina ta tsikileko tati ngaaka.

Otaku hokololwa Shaanda ali ayi koshipangelo oshiwike sha ziko nokwali a monika ombinzi ya londa unene. Mumwayina ta gwedhapo kutya nonande Shaanda ali a monika ombinzi ya londa ngaaka kali nande omunkundi, oya kala owala megumbo lyawo yo taya longo iilonga yawo nombili.

Ta tsikileko tati anuwa nesiku ndyoka ya penduka Shaanda ina ulika ando afa inaa lalapo okwa meneka owala taka teka ngaashi he shi ningi shito.  Tati anuwa sho a ka teka okwa adha kokapomba kwa patwa nale, nokwali a galukako nondini ye yili owala, okwa ende anuwa ondjila ye sigo a thiki mepya mpoka a hulithile.

“Pakutala ototi okwa kala mpoka a kuutumba ethimbo toti mbela okwali ta vululukwa nani mbela eso lye olya thika okwa hulitha owala, yemwene okwe ende ondjila ye yokuya kokapomba sigo ta galuka nokweya a hulithile mepya moka nde mwi itsu,” Mumwayina ta gwedhako.

Shaanda okwa thigiko aamwayina, aakuluntu ye ayehe oya tetekela nale.

 

 

LEAVE A REPLY

Please enter your comment!
Please enter your name here