Shoprite Ongwediva enyakwa muudhano woTop Score

0
255
Osipana ya Shoprite pethimbo yali ta ya tyapula esindano lyawo pokapale kEmanguluko mOshakati

OSHAKATI-Osipana yaaniilonga yaShoprite mOngwediva oya li ya sindana po uudhano woTop Score mboka hawu dhanwa kaadhani ya heyali mokapale, methigathano ndyoka hali kuthwa ombinga komahangano noongeshefa dhopaumwene.

Shoprite Ongwediva okwa dhenge mo Old Mutual medhingoloko lyahugunina noku toolapo okapandi ko N$ 10 000 ekopi noomedalia dhoshingoli.

Old Mutual okwa gwile pehala etiyali moka a pandulwa noshipandi shooN$ 5 500, omanga BITMED Medical okweya pehala etitatu mpoka a hekelekwa nokapandi ko N$3 500.

Konyala oosipana dhi thike po 20 odha li dha kutha ombinga muudhano mboka wa dhanenwe ule womasiku gane moshiwike shotango shomwedhi nguka.

Okapale kaShakati oka li ka udha unene nkene uudhano mbuka wa tameke okuza kaanona naakuluntu mboka ya li ye ya oku yambidhidha oosipana dhawo naashika osha li sha pe aanangeshefa ompito yoku longa oshimaliwa.

Omupopiliko gwaNamib Mills, Ashante Manetti okwa ti uudhano mbuka owu li oshitopolwa shehangano lyawo sho ku shunitha sha moshigwana shoka osho shi li omuyambidhidhi omunene gwaNamib Mills.

Okwa uvaneke taya tsikile noku longekidha uudhano mbuka miitopolwa yilwe moshilongo.

Okwa tsikileko ta ti nguka ogo omukalo goku kaleka po uundjolowele waaniilonga opo ya kale ye na uundjolowele wu li nawa opo ya fale omahangano noongeshefa komeho.

 

LEAVE A REPLY

Please enter your comment!
Please enter your name here