TUYENI KOLUPALE LA TUYENI: Oye ati nandi li vakele kuye koMalinda.

0
368

Alushe ombedi ohai ka ninga ya xuuninwa, osheshi omalombwelo ovakulunhu momaumbo efimbo ngeenge taa tulwa moilonga, oohamonikako afa oinima i hena oshilonga noipolopolo. Ashike okutonga oshili, oshiwana shokomongula ohashi ke li haluka shi li moupyakadi konima yokweekelashi omapukululo nomakumaido ovakulunhu.

Oshili ame ohandi kala ndaeta ongheda ngeenge handipopi noshiwana, molwaashi eshi nee shopefimbo eli kashihole okulesha Oshiwambo, onghee nee ohashi pitililwapo komatumwalakaleshwa nokomahokololo mishangwa, ko oko nee ngeno shawana okulihongela nokulipa omayele una ngeenge tashi ke li haluka shi li ngaashi omo maupyakadi amwe afa aa, onghee nee omunyasha okukala ta lesha Oshiwambo vati ohakutiwa okuli konima yefiya natango.

Mehokololo lokakadona ke li vaka koshikola kOwambo ndele ta ke li twala ka ka mitikwe po koMalinda, oshili otali udifa nai onghe apa oukadona ngeenge inava shendja, shapo ova piyaanekwa.

Tate YA TUYENI, edina lange aame Selma ya Nekongo nda dalelwa kEdundja popepi nOmaheke mOukwanyama hanga keengamba da Namibia naAngola, ondina omido 23 nda kala hai fikola koSheko ya Ponhofi kOhangwena. Efimbo ndili kofikola opo nda shakena natate wokaana kange kwali heya oku vakange pofikala notuwa yae a tu ka tokelwa kokabar ke li mOshikango, ashike ye efimbo olo okwali hadi kOshigambo kOndonga.

Eshi handipopi ngaha ondili koMalinda koushilo ndonga wo Rehobotha, handi mono oixuna tate molwaashi kapena noimaliwa yokudjako, eshi paife nda kwatwa komhepo yokushuna keumbo kOwambo nonande kwali ndeli vakako.
Mo 2014, pokafudo ka Aguste, Tomas yaAmukwaya oo a kala omumati wange ye oye xe yokaana kange, okwa dengela nge ongodi ta ufana nge, vati diye kuye koMalinda aka kongele nge oilonga kokamina keli koMalinda yavo oko. Ashike oshinima eshi osha kala shi uditife nge nai molwaashi okwali handi mu lombwele kutya itai dulu okufiyapo oshikola napamwe ohai piti ngoo. Ame noxo ondatila okushuuka ovakulunhu vange molwaashi tate na ye omupyakadi.

Tate YA TUYENI, Tomas okwa kondjifange nafiyo osheshi handi itavele ndele ta tumine nge oimaliwa yolefa ei nda londa nayo okabesha. Omolweendunge dange dixupi okwali ne handilipula haiti napamwe omumati ou okuli ngo mondjila shili, molwaashi pakupopya naye pangodi okwa lombwelange ta ti inandi pumbwa okutila nandiye ashike kuye koushimba, shaashi vati pu Desemba ohatu ka djako naye euye apopye ohango yetu  keumbo letu, osho nee shafa sha ka endifa  omwenyo wange.

Tomas ou oshiponga nongeenge opena ngo omumati vali afa tate wokaana kange ou, oshili ovalumenhu mboli oilulu no nande itai shituka,

Momalinda otwa fikamo etango tali ningine molwaashi okambesha okwali katekela mondjila, eshi nda tulwa pomahooli onde mu dengela ye ta ile nge po notaxi ndele hatu i keumbo kolukanda oku hadi.

Mokati koufiku manga twa nangala ponduda otapa kongholwa kokafuko vati edina lako Aus Kuku, ova tameka ngo tava popi nokafuko keli pondje she otwa nangala ngo, ashike onda dimbuluka ngo ondaka yakafuko kutya otai popi ya handuka ndele ne okwali shidjuu okudimbulula molwaashi otava popi mOshimbulu. Ondaka ngo yokaana taka kwena keli modikwa. Tate Ya TUYENI,  omona wa Amukwaya ombudi mbela youmbudi uli mohonde vakwetu.

Konima eshi kafuko aya, ame ohandi pula Tomi kutya omufuko owapeni ta konghola oufiku ye mbela ota tanguna nookaana keli modikwa hano? Okwa lombwelange vati okafuko ngo kafelende yae, okudja opo ame onda itavela ngoo nee shili, ongula eshi kwasha ame onda mwena ngo ndali ngo okuteelela mukwetu aye koilonga oku halongo, mboli nomokambashu kamuna oikulya sha hala okutya Tomi ohaka lya keumbo lakafuko waye Aus ou kwali ta konghola onguloshi.

Tomi oshili ombudi ya shiyako keembudi adishe. Eshi sha ka ninga komatango, okwa lombwelange vati otaka nangala moilonga molwasho okwa tulwa koshikofa youfiku, ame onda itavela ngo omumati wa nge aka nangala moilonga, mboli Tomi okwa ka nangala kokafuko kaye, oshitivali mboli Tomi ihai koilonga shili ovava hava ka nangala tava teya oinima yovanhu omaufiku.

Tate YA TUYENI, mOmalinda ame onda ningamo ashike omwedi umwe, yo oikombo yokoMalinda oya tameka tai pepe, nda ninga omufimba waTomi ya Amukwaya ou,  eshi ndaninga edimo  onda ka mona oixuna ndee hai diladila nokoshikola yetu koPonofi kOhangwena oku nde li vaka. Tomi eshi a mona kutya ondim’fimba okwa tameka okuuya na Aus Kuku konduda yetu. Tava kala ne hava nangala naye, ye a yalelange okatalashe pedu, okwali haimono oixuna.

Ovalumenhu oshili eembudi wa, Tomi yaAmukwaya omumati wange muwa, oshili nde eshi she mu nyona oumbudi. Okwatya ngoo ye ombudi yomoikumbafa ye navali ombudi vali haka vaka noinima yovanhu oufiku manga mwakofa.
Osho twe ke li dengapo naAus Kuku  waTomi efiku limwe atu kondjele kombete ame naame pedu nda loloka po ngo nee molwaashi ngeenge va nangala kombete tava nyangusha noukulya vavo ame ohandi kala ashike andi pwiikineko ndamwena. Aus okwa ka denga nge nee nekende mokanya ndele paife eshi hatupopi ngaha omayoo ange opombada 3 kaepo adengwa po.

Tate YA TUYENI, oshili eshi handipopi ngaha ame ondili koMalinda nda pumbwa ekwafo opo ndi djeko, molwaashi paife ondina okaana takanyamu. Ye xe okwa mangelwepo omwedi wadjako no kuli modolongo va ka teya eumbo lashilumbu modoolpa. Oikulya kapena sha paife ohai kalya vali ku nyamunghwetu ou akufile nge omayoo omwedi wadjako. Okwali handi lipula haiti ovakulunhu vange ngeno nava kongelenge oshimaliwa oshili va tumine nge di djeko.

Oshili paife nandi ninge ngaipi hano oshili onda nyengwa konghalo nokoluhepo po kapena eefewa dokukosha ominambo dokaana omunhu okuli modolongo?

ENYAMUKULO LOYE SELMA.
Shotete Selma ove owa pelwe omaano kuKalunga koye okuli honga, ndele elongo toli fudike nomwenyo. Oshitivali, ove ombudi, handi hale kutya otashi shiva udule na Tomy woye nokuli nye eengangala ashike mwashakena ngeno okwali mwadalwa efiku limwe alike ngeno nye na Tomy eehamba deembudi.

Paife opo to komo oumbudi waye to ti oudule wovalumenhu aveshe, ove wadimbwa eshi wa kwatela eedoolopa adishe kumwe moushimba dili 15 okwali toi peni noto ka konga shike? Kakadona kange owa lekekela lyelye, paife eshi uli ngaho watya oivoyo mokanya osho ne wahala? MoMalinda omo mwaninga moPonhofi, paife oku kwali wa tumwa kofikola?

Oto lombola ovakulunhu voye veliwede opo veku tumine oshimaliwa ovo veku tuma kOmalinda ukafileko ondjala, potete penya eshi wapopya owati Tomi woye kOwambo okwali heya okuku vaka koshikola yaPonhofi notuwa, otuwa oilipeni oyo kaishi okukutwala keumbo?

Selma ove ombudi, ove nokuli owa lengifa novakulunhu voye veku tuma kofikola nena oove oo uli Momalinda wakulaulwa omayoo ko nyamunghweni. Oumbudi woye owe ku mitikifapo ndele tau ke ku fifa ondjala noxo kOmalinda.

Selma, oumbudi ohauli ovanhu nowele ngeno owa kalele ashike uli kOwambo to pwilikine ovakulunhu voye kutya ne ovena oufyoona ufike peni, ngeno ino eta omalengifo efike opo meumbo leni nomovakwanedimo loye. Paife eshi wamitikwapo kuTomi oto futwa ne ilo ito futwa, nongeenge oto futwa otofutilwa shike ufike opo uka kadona ndele oto ka konga ovalumenhu kwoove mwene moushimba.

Selma ove oshiholelwa shapuka nokulombwela ilo nokuulikila oukadona vakweni, eheno oshili pamwe okwali ngo wahala okaana shili. Ashike nee okaana koye aka wa ka konga owa mona ndele noshiponga shoye mokanya owa mona naashi ne toi pomukunda weni watya oivoyo mokanya oto lombwele ovanhu toti owali moshiponga shashike?

Kombinga yange ame mutekululu wange kandina eshi handi ku wedelepo opo, molwaashi naashi waya oushondolo koMalinda kuna ou wapulile ekwafo, onghe, onghendambala ushi okuninga shapo, ouna ashike okuteelela ombudi ikweni idjemo modolongo ndele tamu uya mutulepo elandulafano loye lokushuna kOwambo uka likile nyoko  oilongwa yoye oyo ukwete yo kofikola koPonhofi.
Selma ya Nekongo, oukadona woye owe ku nyenga okuukondolola osho shekeetifa onghalamwenyo yoye iye moshiponga, molwaashi owa uda ashike koMalinda kuna oinima iwa ove owatota, omanga ushi shi nawa kutya nyoko naxo nghe vadalelwe vakange oudiyo poikangwa.

JOHN YA TUYENI
MRTUYENI76@GMAILA
CCELL 0812988549

 

 

 

LEAVE A REPLY

Please enter your comment!
Please enter your name here