Eleven Warriors Volleyball Club oye enyakwa moNooli

0
191
Uunona wendiki lyOshana Africa Dream Project mboka wu li kohi yetonatelo lyoliha yoVolleyball yokoNooli, pethimbo wa li wa taalelwa po kosipana ya Ndowishi kuyele nuumvo.

ONGWEDIVA- Oliha yoVolleyball yokoNooli sho ya thiki pehulilo oshiwike shaziko osipana yoEleven Warriors Volleyball Club oyo ya li ya kangele oosipana oonkwawo noku toolapo epapa lyomumvo 2016 lyoosipana dhaalumentu.

Nakapele Volleyball Club ndjoka ya kala ha yi tyakaleke uudhano mbuka omimvo dha ziko oya li ye ya pehala etiyali ndyoka yo inaa igilila.

Enyakwa lyuudhano mbuka omvula ya zako Six Stars Volleyball Club olyi iyadha peha etitatu,omanga Eenhana VTC dhi li pehala etine.

Oshana Nampol oyo ya sindana po uudhano waakiintu  niitsa 16, tayi landulwa ku Eleven Warriors ngoka ena iitsa yili 11, omanga Nakapele Girls eya pehala etitatu niitsa 9.

Oliha ndjika oya kala noku koka muule womimvo dhapiti nomwaalu gwoosipana otagu yi pombanda omvula kehe, na kapuna we okasipana okashona ngaashi sha li petameko sho oliha ndjika ya li ashike ta yi pangelwa kosipana yimwe.

Ethiko pehulilo lyoliha ndjika olya li wo lya tsakanene nehogololo lyolutu olupe lwokulela uudhano woVolley konima sho Omuperesindente omukulu gwehangano ndika Joel Mathews a li a yelwa okuya kolutu luudhano moshilongo.

Onkene ngashingeyi Gunter Rust oye Omuperesindente omupe guudhano woVolleyball moNamibia omanga  Hillary Imbuwa oye omupevi gwe, ye Liina Matheus ta ningi amushanga .

Ehangano lyuudhano mbuka koNooli olya adha omasindano ogendji naandyoka li shi kutothwamo edhikepo lyendiki lyOshana Africa Dream Project ndyoka lyaninga egumbo lyuunona wuli kohi yomimvo 15 mboka wu li ta wu tulwa mootundi opo wu ninge aadhani yokonakuyiwa .

 

 

LEAVE A REPLY

Please enter your comment!
Please enter your name here