Filly-zo a thigipo Young kasi

0
298
Filly-zo ngoka a tokola okuthigapo ongundu yawo yo Young Kasi.

 

ONDANGWA – Omuhikingalon Fillemon Angombe ngoka atseyika nawa Filly-zo nokwa kala ha imbi oongalo noYoung Kasi, okwa tokola opo a thigepo ongundu ndjika  ye a kale ta hiki oongalo oye awike.

Filly-zo omunamimvo 25 okwa holola kutya manga ta putuka okwa kala ehole oku pulakena koongalo, nokwa kala ena omadhiladhilo a kale ha hiki oongalo. “Nonande sha kala shafa ondjodhi, ndjika oya tsu nondi iyadha ndili mehangano lyaahikingalo aaNamibia, oshilonga kehe to longo ihashi kala oshipu petameko, onda kala ngaa te longo nuudhigu ashike onda ka haluka tandi imbi oongalo nooyakwetu twa manguluka,” ta ti ngaaka.

Ta gwedhapo kutya omasiku ga ziko okwali a tokola opo a thigepo ongundu ndjika yo Young kasi nombili, omolwaasho ihaya mono we ompito yi imbe pamwe omolwa iilonga mbyono ta ti oye ya topola. Okwa ti okwa hala woo a kale i ithikamena kuye mwene ye ta tala ngele genongo ta ga fe gongombe.

Pethimbo ndika Filly-zo okwa hika uungalo wuli uyali  mbono wa  pita nale nokuli, uungalo mbuno kamwe otaka ithanwa Kashipu oshowo Dance, mono a kwathelwa ku Gotrieb G.  Okwa ti okwi ilongekidha okuhika oongalo ngaashi oshipewa she tashi ti.

“Aalanduli naaholi yuungalo wandje tsikileni noku yambidhidha ndje, oshoka onda hala ndi gandje etumwalaka tali tungu moshigwana, lyo lyi kale woo li na omulyo gokupulakenwa, onda hala owala okushi yelitha kutya kandina nande uuwinayi wa sha, onda tokola owala ndi yi thigepo omolwaasho handi longele kokule, nonda hala ndi kale omuhikingalo goSOLO” Filly-zo ta gwedhapo.

Ta tsikileko tati monkalamwenyo omuna omashongo ogendji unene ngaa mokuhika oongalo, ashike omashongo ngoka ota kambadhala ega kondjithe ye a kale ponkatu yimwe naahikingalo aaNamibia ooyakwawo, yo ya humithe komeho oshilongo ngele tashiya koongalo.

Filly-Zo ta kumagidha aahikingalo aaNamibia ya longele kumwe yo ya kale taya kwathathana mpoka sha pumbiwa. Okwati ngele oyi imanga kumwe nena otaya sindana mwaashoka taya lalakanene. Okwa kumike woo ayehe mboka ya hala ya kale haya hiki oongalo ya tameke oku ulika iitalenti niipewa yawo, yo ya gandje etumwalaka moshigwana.

 

 

 

 

LEAVE A REPLY

Please enter your comment!
Please enter your name here