MICT ta fala omayakulo koshigwana

0
237
Ondungethaneko yelikolo Harambee oya shike

 

Oshikondo Shomakwatathano gOpashinanena mekwathelo lyopaungomba okuza ke Hangano lyOmakwatathanogopangodhi mUuyuni osha shanga po Omulandu gwo makuthikuthi gomakwatathano nenge Broadband.Pamwe Nomulandu nguka MICT, okwa tula po wo ondjila ya nkene taku endwa opo omulandu nguka gu tulwe miilonga.

Omulandu nguka otagu lalakanene  okugandja oonkatu ndhoka dhina okulandulwa  mokuhumitha komeho egandjo lyomakuthikuthi gomakwatathano gopashinanena koshilongo ashihe sha Namibia.

Omulandu nguka ogwa kwatelamo wo iilalakanenwa ayihe mbyoka yi na oku adhika uule wethimbo lyontumba nenge lyongandi. Yo iilalakanenwa mbika otayi ka longwa pamautho gOmulandu gwomakwatathano ngoka gwa zimininwe noku kolekwa kOominista dho ICT dhiilongo yoSADC moshigongi shadho shomu Juni 2015.

Mbika oyo iilalakanenwa mbyoka Namibia taka tula miilonga okupitila mondungethaneko yuuwanawa wa ayehe yo Harambee.

Oku adha shika Namibia otaka longa ngaashi tashi landula. Oku mona kutya ooperesenda omilongo 80 dhaaNamibia odha  adhika komakuthikuthi gomakwatathano ngaka okuya pomumvo 2020. Oshikwawo ooperesenda omilongo 80 dhomanongelo gopevi naangoka gopaseko  odha kwatakanithwa komakuthikuthi ngaka opo elongo okupitila miikwa intanet  li vule okulongithwa okuya pomumvo 2020. Otwa hala wo opo omakwatathano gopashinanena ngaka gooperesenda omilongo 70  ga kale taga longithwa moshikondo shUundjolowele okuya pomumvo 2020. Omanga iikondo ayihe yepangelo naambyoka ya yama kepangelo oya tegelelwa okukala tayi longitha omakuthikuthi gomakwatathano ngaka ooperesenda 100 okuya pomumvo 2020. Yo aatali yoTIIVII naapulakeni yoradio otaya ka kala yena ootiivii nooradio tadhi taamba uuyelele okupitila momuhingo omupe hagu ithanwa digital TV  noshowo Oradio megumbo kehe okuya pomumvo 2020.

Nkene taku longwa opo iilalakanenwa mbika yi tsakanithwe.

Tango ota ku manithwa  engongopo lyomulandu gwomakuthikuthi okuya pu Septemba  nuumvo, noku etapo Ontotwaveta yi na sha nomakuthikuthi  oshowo uufuthi tawu pitile momakwatathano gopaunongononi. Ontotwaveta ndjika okwa tegelelwa yi manithwe okushangwa okuya mu Septemba nuumvo.

Otatu ka longitha  wo oombelewa dhopoosa oshowo omandiki goshigwana  okutulapo oongodhi dhomakuthikuthi ngaka okuya muKotoba 2016 opo oshigwana shi vule okumona ompito oku ga longitha.Otatu ka opaleka wo iilongitho yokuhumbata omakuthikuthi ngaka  okuya mu Septemba 2016. Shika otashi ningwa okupitila momulandu  gwethimbo ele.Otatu longo shika opo tu ete omakuthikuthi gointanete goonkondo go ishewe  otaga endelele. Otwa tengeneka oku adha elalakano ndika okuya puKotoba 2016.

Otatu ka andjaganeka wo ongodhi onene yomakwatathano moku gwedhako oonyapi  nenge iitayi yimwe kuyo tweyi ukitha komahala hoka kwaana oongodhi ndhika  opo tu fale omayakulo ngaka  kaantu nokoshigwana okuya mu Maalitsa 2020.Otatu ka dhikapo  wo omahala mpoka oshigwana shokomikunda tashi vulu oku mona omayakulo ngaka, opo tu shonopeke etopoko ndyoka lilipo melongitho lyomakwatathano ngaka mokati koshigwana unene tuu shoka shokomikunda. Otwa thaneka okwa adha elalakano ndika muJuni 2017.

Opo omakwatathano ngaka ga kale taga monika mbala go ishewe ogena ondando yili hwepo otwa thaneka oku tula iilongitho yopa intanet  momandiki agehe  goshigwana geli omilongo 26 okuya mu Kotoba 20i6.

Otatu ka humitha komeho elongitho lyomakwatathano gopaintanet moku dhikapo omikalo dhoku etapo omukalo goku kwathathana pashimaliwa uuna tatu humitha komeho eetepo lyiilongitho iipe yopaintanet.Otatu dhikepo omulandu gwelongelokumwe moshinima shomakwatathano miitopolwa ayihe yomahupilo okuya pomumvo 2017.Otwa thaneka wo opo oshigwana shikale tashi longitha omakwatathano gopashinanena melongo, uundjolowele, uunamapya, iiyenditho oshowo okumina okuya mu Kotoba 2017.

Kombinga yeinekelo noshowo egameno mokulongitha omakwatathano ngaka, otwa thaneka okumanitha oveta yi na sha nekeelelo lyomiyonena okupitila momakwatathano  ngaka okuya mu Septemba 2016.

Omakwatathano gopaigwana nElongelokumwe.

Okutungapo oshigwana otaku yelekwa noku tunga egumbo. Oku li tunga ohaku tameke tango noku opaleka pehala mpoka opo tapa tungwa ndika.Kombinga ya Namibia ehala olya li lya opalekwa  okupitila momahogololo ngoka ga tonatelwa kIigwana Hangano omumvo 1989.Iigwana yuuyuni oyo yali omuvalithi  gwaNamibia lyamanguluka, onkene tse oshilongwa po shuukwawo wa nankali wopaigwana nombepo yuukumwe wAfrika.

Pethimbo twali aathiminikwa, ookuume ketu oyetu kwatha sho ya kala noku kala putse, yetu pe iikulya, omizalo,elongo nomadheulo  opo ye tu homateke tu vule okwi ipangela tseyene uuna ethimbo lya thiki oku shi ninga.

Onkene onakuyiwa yetu oya kwatakanithwa kukehe shoka tashi inyenge  muuyuni unene tuu muAfrika. Kwame

Nkrumah gwaGhana okwa popile a ti oshilongo she itashi kala shu uvite sha manguluka omanga Afrika alihe inaali manguluka.Onkene tse sho tuna ontseyo yokuhepekwa nokuthindilwa kongudhi, Namibia ita kala uuvite a manguluka ngele aantu ayehe mboka taya thindilwa kongudhi muuyuni  inaya manguluka papolitika.

Mokuhogolola oshitya sho shi Swahili“Harambee”,shoka inaashi za nando omelaka limwe lyomomalaka gaNamibia otashi ulike kutya tse oshitopolwa shimwe shAfrika. Tse pakupopya tango, Aafrika onkene onakuyiwa yetu oya tungilwa nokukankamekelwa kwaandjoka yAfrika.

Omalalakano getu  kombinga yomakwatathano gopaigwana nelongelokumwe pethimbo lyoHarambee oongaka Namibia a kale oshilyo sha simanekwa noshiinekelwa miigwana yUuyuni moku gwanithapo shoka iinekelelwa.Kutya Namibia a mone ekwatho okuza kiigwana yuuyuni opo emanguluko lye lyopapolitika li lundulukile mwaandyoka lyopamahupilo.

Opo tu adhe omuthika gokukala oshilyo shiigwana yuuyuni twi inekelwa notwa simanekwa otatu shi adha mokulandula ondjila ndjika.

Okupotokonona omaupyakadhi tashi pitile moonkundathana. Namibia okwa itaala muuyuni mboka hawu longitha oonkundathana ongo ondjila yoku potokonona omikundu.Tse otwa itaala kutya  miita kamuna omusindani, nokwa itaala metokolo tali ningwa kongundu onene oshowo mesimaneko lyIigwana Hangano noAfrican Union oshowo omalutu gayo ngoka taga kumike iilongo opo aluhe  yiimange kumwe okutungapo omakwatathano gopaigwana ga kankamekelwa  kelongelokumwe oshowo okukala pamwe mombili ongo aashiinda aawanawa.”Uuna oonkundathana dha ndopa Namibia ina hala elongelokumwe litekepo.

Netanga lye, lyopakwiita lya dheulwa nawa paithano Namibia okwe shi ulika  sho a gandja aakwiita oshowo aapolisi ya kakaleke po ombili miilongoyomuuyuni kohi yoUN noshowo yoAfrican Union nonando ye haye oshilongo shina oonzo odhindji.No pethimbo lyoHarambee Namibia okwi ilongekidha okugandja omatanga gaakwiita oku ka longa miilonga yokukalekapo ombili koombinga dhuuyuni .

Tse otuuvite pamwe naathiminikwa muuyuni, mboka ya pumbwa okupitikwa ya tyapule uuthemba wawo woku ithikamena yoyene noku mona emanguluko lyopashigwana ngaashi ashike aantu ooyakwawo, molwashoka uuthemba mbuka ihawu topagulwa naambuka owa guma omuntu kehe nenge owo muntu kehe muuyuni.Onkene Namibia ota endulula nokukoleka okuyambidhidha kwe uuthemba waantu yaPalestine oku kala ya manguluka . Tse otatu yambidhidha okatokolitho kIigwana Hangano koshikumungu sha

Western Sahara.

Opo Namibia aadhe emanguluko lyopamahupilo, okuna oku katuka oonkatu ndhika.

Okuyambidhidha iita yokukondjitha oluhepo. Iigwana yuuyuni oyetu kwathele pethimbo tatu kondjele emanguluko. Onkene otatu yi indile opo yetu kwathele miita yokukondjitha oluhepo.Moshipopiwa she shotango ongOmuperesidente gwa Namibia, Omundohotola Hage Geingob okwa li a indile iigwana yuuyuni okukwathela Namibia opo a tidhepo oluhepo momumvo 2025

Oshi shi oku konekiwa kutya Namibia okwa li a tokola oku kondjitha oluhepo omanga etokolo okushininga inaali kuthwa kIigwana Hangano ongaashi shimwe shomiilalakanenwa yolutu lUuyuni.

Moshinima shika omundohotola Geingob okwa li indile iigwana yUuyuni opo yi ethepo oku tala Namibia ongo oshilongo shiiyemo yopokati.Okwa ti eyalulo ndika ohali tala ashike ondjele yopokati yii yemo yo tayi dhimbwa okutala kombinga  yokwaathike pamwe muumwene wiiyemo oshowo omaliko ngoka.

Elunduluko monkalo yombepo olya ninga lyoshili. Nonando Namibia iha tumine olwithi olundji mewangandjo, ye okwi itulamo mokushonopeka olwithi luuzigo ndoka  halu tuminwa mombepo koofabulika muuyuni.Shika Namibia ote shi ningi molwashoka uuyuni wetu auhe ouli moshiponga.Namibia ota ya mbidhidha shuudha omalalakano go COP21.Omolwa okwaadha ngaka Namibia otaka longitha oonzo dholusheno dha tulwa mumwe,unene tuu ndhoka hadhi  kalapo uule wethimbo.

LEAVE A REPLY

Please enter your comment!
Please enter your name here