Ohokwe yoongalo ya kumike YPS

0
236
YPS ngoka teshi enditha nawa

 

Windhoek-Ohokwe yoongalo nuudhiginini moongalo, oyo iinima yotango mbyoka ya pe YPS, oonkondo dhoku tota noku imba oongalo.

YPS omuhikingalo ngoka a holokele mehangano lyoongalo konyala oomvula heyali dhapiti.  Nedhina lye lyuudha oye , Petrus  Salim Shonghela, YPS omu imbi ngoka ena ewi hali nyanyudha , unene moku imba oongalo dho Afro pop, Oviritje noHouse.

YPS okwa yambukile noku tekulwa momukunda  Olupito, mOkalongo moshitopolwa Omusati.

Manga a li omushona, YPS okwa kala nokuyaguma onga oye Michael Jackson omutiyali, oshoka okwa kala omunongo ye omudhiginini ngele tashiya poshitalenti she.

Molwa ohokwe ye yoongalo, YPS okwa tameke nokuli okulandula noku itula miinima mbyoka yomithigululwakalo, nokwa ka mona ihe kutya oye dhingi ngele tashiya pokushanga oongalo. Okwa tameke nokuli okulonga nuudhiginini opo a ningepo shomupondo noalubuma ye yotango.

Oalbum ndjika yedhina Ndeshipondola, okwe ke yipititha pehulilo lyomvula yaziko, noyali ya taambiwako koyendji. Omulyo gwe omutoye gwoongalo ndhika okwali gwa longekidhwa nawa, oshoka ogwa ningwa koonkulungu momikwelengendjo ngaashi Araffat (T7 Studio), Sheekeni Thunder X International Studio, Cool Aid Studio, Glo naMbombota.

Moku imba okwali a kwathelwa kaa imbi mboka yena omawi omawaanawa ngaashi Pezicco, Dama MoniQue naSheekeni.

YPS okwa ti oalubuma ndjika yi na oongalo dha adha 12, oyi na etumwalaka enene lyuuka kaagundjuka, nomaimbilo ngoka taga tungu go taga longo oshigwana.

“Oalubuma ndjika ondeyi nunina kehe omuNamibia, konyala omuntu kehe moshilongo,” YPS ta ti ngaaka.

Omvula ndjika YPS okwa li a hogololwa moshituthi shoka shokugandja omapapa kaahikingalo dhingi moNamibia (NAMAs) mocategorie koOviritje nongalo ye ndjoka  Ondadjile Kokule, takwathelwa ku Dama Monique.

“Ongalo ndjika otayi popi  kutya otwa za peni, opo kaatu dhimbwe oohedhi dhoshilongo shetu. Kungaye, shika otashi ulike kutya oongalo dhandje otadhi koko, ashike elalakano oku kala ongame dhingi ngaashi Michael Jackson ali, oshoka oye a hokitha ndje oongalo,” YPS ta tsikile ngaaka.

Oalubuma ye otayi adhika konyala moshilongo ashihe, noyili tayi dhanwa nawa mooradio dhomoshilongo.

 

 

LEAVE A REPLY

Please enter your comment!
Please enter your name here