Omunafikola a xulifila moshiponga

0
346

ONGWEDIVA – Opolifi moshitukulwa shaShana otai konaakona oshiningwanima omo omunafikola kofikola yaMweshipandeka, a xulifila moshiponga shekandomo lohauto.

Otaku hokololwa omunafikola ou, omunamido 23 Helena Huambo womOngwediva, a li mokahauto kokaToyota Corolla taka shingwa komumwainamati, eshi oshiponga sha ningwa.

Vamwe vomookatalekonawa otava hokolola kutya, okatuwa oko kokaToyota Corolla oka tameka okuli taataya, ile oku ninga omafiyafanepo notuwa yoToyota VVTi, oyo yeka hanga pomarobota mOngwediva.

Eetuwa odo mbali vati oda shingwa tadi fiyafana po, fiyo otadi koyo oUniversiti ya Namibia, Hifikepunye Pohamba Campus, opo pa ka holokela oshiponga.

Otaku fekelwa kutya mondjila omwa nhukila otuwa imwe ilili, ya dilila momunguhulo, osho sha etifa opo omushingi woVVTi a kendabale okuya ngeno kobaana oko kuna okaCorolla. Mupya munene okwa denga okatuwa aka konima, osho sha eta opo ka alangate.

Opolifi oya patulula oshibofa shedipao lihefi loshiningilewina moshinima omo.

Mefiku tuu omo, okwa hokololwa oshiponga shimwe vali sha ningilwa pOnamutai, moshitukulwa shaNgwediva, omo vali omunafikola, omunamido 14 a monena mo oshiponga.

Otaku hokololwa omushingi wokatuwa kokaCondor a nyengwa oku pangela osheendifo, efimbo a li ta piti pondalaye imwe ili mokapate komamanya kopokati kOnamutai nOngha.

Pefimbo Kundana a ya kokunyanyangida, ota ku hokololwa okaana oko kali keli moICU, hano metonatelo lopaunamiti la kwata moiti mOshipangelo shaShakati, keli monghalo tai limbilike.

Ouyelele ou owa kolekwa kuShisande Frieda Shikole oo eli omupopipiliko wopolifi mOshana.

Shikole okwa weda po yo kutya opolifi ita i dulu oku koleka ouyelele wa yandjwa kookatalekonawa poshiponga shomOngwediva, oo tau ti kutya omushingi woVVTi naau woCorolla ovali tava ningi omafiyafanepo.

 

 

LEAVE A REPLY

Please enter your comment!
Please enter your name here