Oshana Heroes Club tayi longekidha uudhano waanuulema

0
205
Yamwe yomwaamboka ya li ya kutha ombinga muudhano womvula yazileko.

OSHAKATI-Okalaba yoHeroes Sport Club ota yi longekidha  omaudhano gaamboka ta ya lumbu nuulema okupitila muuMinisteli womaudhano nAagundjuka ehuliloshiwike tali ya.

Omukwateli komeho guudhano mbuka Termus Kamati okwa ti oya tegelela iitopolwa ayihe yoshilongo opo yi kuthe ombinga muudhano mbuka, moka a ti ihamano yomiitopolwa 14 yoshilongo oya gandja nale ekwashilipaleko kutya ota yi ka kutha ombinga.

Okwa ti uudhano uunene wesiku owo mboka wetanga lyomokambamba kaantu yeli kuutemba na otawu ka landulwa kethigathano lyokumatuka nuutemba nokuumba egonga.

Okwa ti uudhano owa tengenekwa wu ka tameke potundi ontihetatu, na ota wu ka patululwa kungoloneya gwaShana, Clemence Kashuupulwa omanga omupopi gwesiku ota ka kala Meya gwoshilando shaShakati,Katrina Shimbulu.

Uudhano mbuka owa kwashilipalekwa ku Consulting Services Africa ngoka a kala omukwashilipaleki gwawo ngashingeyi uule womimvo 13 .

Kamati ota indile aakalimo yomOshakati opo ye ye  momiyalu ominene ya yambidhidhe aanuulema methigathano ndika.

 

 

LEAVE A REPLY

Please enter your comment!
Please enter your name here