Aalongi poKayec natango inaya shuna kootundi

0
223

 

ONDANGWA –  Ekanka lyaalongi poKAYEC mOndangwa onkene lya tsikila.

Ekanka ndika lya ningi konyala uule woomwedhi dhi vule mbali ngashingeyi olya nyengana oku adha ehulilo molwashoka ehangano lyakalelapo aalongi mbaka inali zimina egwedhelo ndyoka oshiputudhilo shuungomba shika tashi pe aalongi mboka.

Aalongi yaKAYEC otaya indile opo oondjambi dhawo dhi ndjekwepo nooperesenda 12 ihe Kayec okwa ti ota vulu ashike okuya gwedhela nooperesenda 5,1 adhike.

Omunambelewa omukuluntu moKAYEC Joe Mundukuta okwa ti oye li  muupyakadhi oshoka natango inaku adhika etsokumwe nehangano lyoNamibia National Teachers Union[NANTU] ndyoka lya kalelapo aaniilonga yawo mboka yeli mekanka.

“Oshiwike shino KAYEC okwa pititha omushangwa ngono tagu ulike kutya otatu vulu owala okugwedhela oondjambi dhaaniilonga mboka noopelesenda 5.1, nonande yo otaya pula ya gwedhelwe oopelesenda 12.Shino otwe shi ningi twa tala iiyemo yetu no katuna we shoka tatu vulu okugwedhako pethimbo ndika,” Mundukuta ta ti.

Aaniilonga mbaka oya tsikila oku iteka kootundi ya tegelela ngele taya yamukulwa. Konyala aalongi mboka haya longo ookoosa dha yooloka oha ye ya owala kiilonga nenge itaya longo. Oya uvathana opo esiku kehe ya kale taya holoka kiilonga sigo ya mono eyamukulo.

“Otwa li twa tokola opo tu tulemo ekanka omolwa oondjambi dhetu ndhoka hatu pewa dha nanga unene, yo aakuluntu yetu ohaya mono oondjambi dhili hwepo, otwa hala  opo ngaa tu monenwe eyamukulo.Otwa pula shika ethimbo ele ihe omapulo getu ohaga yi owala mbela momakutsi ga thita,” taya popi ngaaka.

Mundukuta okwa ti oyu uvite olukeno naavali pamwe naanona yawo mbono elongo lyawo lya yiwa moshipala no taya gandja ombili, no kwa uvaneke kutya ootundi dhawo otadhi ka futilwapo. Ta ti ehangano lyoNANTU moku uva kutya aaniilonga otaya gwedhelwa noopelesenda ndhoka olya tindi, ta li ti odhili pevi unene no dha pumbwa okutalululwa.

Aaniilonga oya ti itaya shuna kiilonga otaya kala owala ya tya omaplakata gawo sigo kwa adhika euvathano ndyoka lya mbilipalela kehe gumwe. Oya holola woo uutile wawo sho ya popi kutya  metitatu  lyaziko sho ye ya pehala lyawo mpoka haya kala pondje yolugumbo lwosikola oya adha pwa temwa omulilo, no ka yeshi kutya ogwa temwa kulye nonelalakano lya shike?.

“Oshinima shika oshetu tilitha unene nongaashingeyi otuna uumbanda, omolwashike pehala lyetu mpoka hatu kala puna okutemwa omulilo ku walye, no sha ningilwa shike ?” aaniilonga taya pula ngaaka.

 

 

LEAVE A REPLY

Please enter your comment!
Please enter your name here