Beast no albuma Tshasimana

0
183
Beast a pititha ishewe omusholondondo gwoongalo dhe omutiyali

 

Windhoek – Omuimbi gwoongalo dho Kwaito noAfro-po ngoka a kala noku ihumitha komeho moku hika oongalo mpaka naampeyaka, okwe shi pondola  ishewe moku etapo [oalbuma] nenge omusholondondo gwoongalo dhe omutiyali, gwedhina Tshasimana.

Nonando Beast keshi omuhikingalo  omushona mehangano lyoongalo, oyendji oye mu tseya sho a kala ta imbi ye itaa sholola, noku nyanyudha piituthi oyindji moshilongo.

Ngashingeyi Beast okweya a tokola, sho a etelele oalbuma ye ndjoka yi na omaimbilo goKwaito mumwe noAfro-pop geli 12. Ndjika oyo yimwe yo mooalbuma dhe ndjoka ya ningwa nethimbo, no yi na omaimbilo taga nyanyudha ngaashi Okajuice naMy Way, oku tumbula po ashike gamwe.

Otamu adhika ishewe omaimbilo ngoka natango omawanawa, moka Beast ta kwathelwa kaahikingalo ngaashi Sunny Boy, meimbilo Halleluya, Don Jay mongalo ndjoka Omavava na Trapz, mongalo Transformer.

Beast oye omuhikingalo ngoka a li a hogololwa mehangano lyoku gandja omakopi kaahikingalo dhingi moNamibia (NAMAs) momunvo 2014, noalbuma ye yotango Taliban.

Okwa li ishewe a nyanyudha pethimbo lyoshiindingili shika, moka oyendji yali ye mu pe omake molwa okwiimba kwe okuwaanawa.

Ehuliloshiwike lyaziko, Beast okwa li imbi petseyitho neuliko lyoalubuma yomuhikingalo dhingi omuSouth Africa, Casper  Nyovest poRamatex, mpoka a li te shi iningile kostage pamwe naahikingalo ooyakwawo.

Beast okwa tamekele oku imba okuza mo 2006, pethimbo yali ya tameke ehangano lyokuninga oongalo lyedhina DSP. Sigo oompaka okwa longa naahikingalo ngaashi  Blacksheep, Samwele naMappz.

 

 

 

LEAVE A REPLY

Please enter your comment!
Please enter your name here