Chiza ota ka nyanyudha pOmusati

0
184

 

Windhoek – Joseph “Chiza” Nehale ngoka a kala noku nyanyudha piituthi ya yoolokathana moKatutura ota tsikile noku longa nuudhiginini.

Ehulilo shiwike ndika Chiza okwa tokola ishewe opo a ka kale a gandja sha  sho moondjimbo noongalo dhe sho ta ka imba noku nyanyudha pehala lyokunwina, Omusati Bar, mondjila onene yoMonte Christo moKatutura mOlyomakaya.

Elalakano lyoshiindingili shika oku taamba ethimbo lyokwenye pamwe nomusiki ndjoka ya longekidhwa nawa. Chiza okwa tokola opo a ka imbe omaimbilo ge ngoka ga kala geholike unene koyendji, gaza moalbuma ye ndjoka ompeempeeka yedhina Tala eto Ilongo.

Kakele ku Chiza ngoka oye mwene gwomatemba ongulohi ndjika, otapu ka kala wo aahikingalo oyendji ngaashi Orizza, YPS, Omgee, Dama Monique, Ama Dance Floor, Yakuku, Morocky, okutumbulapo ashike yamwe.

Moshowu ndjika otamu ka yiwa oshali, okunwa nokulya oko ashike taku ka landwa. Chiza ota hiya ihe aayambidhidhi ye ayehe yakale ya holoka momwaalu omunene opo ye shi iningile pamwe naye, ye  eya nyanyudhe woo.

Ndika olyo wo ethimbo ndyoka Chiza ta ka landitha uumbindja we, nuuCd  osho wo waahikingalo mboka yoAma Dance Floor.

 

 

 

 

LEAVE A REPLY

Please enter your comment!
Please enter your name here