England metalelopo lyoVolleyball moNooli

0
163

OSHAKATI-Uudhano wetanga lyokomake owuna elago sho aadhani wawo taya ka talelwapo kaanawino omwedhi nguka.

Aanawino muudhano mbuka yaza koEngelanda otaya thiki moshitopolwa shokolundume  oshiwike tu uka  oku kwathela mependulepo lyuudhano mbuka wa kala wa ethiwa uule wethimbo unene miitopolwa mbika.

Aatseyinawa mbaka oya tegelelwa ya thike moshilongo Etitatu tali ya  10 Aguste 2016, nota ye ya yu ukilila kiitopolwa yokoNooli moka ya tegelelwa ya ka kunde oosikola dhili momudhingoloko gwaNdangwa pokapale ko Tenis Court potundi 14h00, no taya ka wayimina osipana yo Six Stars momaidheulo gayo.

Metine osheendo shika ota shi ka talelapo osikola Olukolo mOndangwa potundi ontimugoyi , manga inaa shi idhenga ondjila okuya kOmusati hoka sha tegelelwa shika talelepo osikola Eunda Combined School potundi onti 12 yomutenya.

Aatalelipo mbaka kOmusati otaya ka zako mbala noku ya kendiki lyo African Dream Project ndyoka ta li kala lye ya tegelela mpoka oosikola adhihe dhomudhingoloko gwaNgwediva naShakati dha tegelelwa dhi keya wayimine pokaTenis Court mOngwediva.

Oondjumbeta ndhika ota dhi ka manitha olweendo lwadho netalelopo koshitopolwa shaHangwena moka taya ka talelapo osekundosikola yaNgha potundi ontimulongo nayimwe. Omanga potundi ontiyali omutenya otaya ka kala posekundo ya Ponhofi, nolweendo lwawo moNooli yoshilongo otalu ka hulila polwaanda lwoshitaasi shOradio yo Shipi FM 103,6 moka taya ka kalamo okuza potundi onti 18:00-19:00 kongulohi.

Omunashipundi gwehangano lyoVolleyball koNooli  Mwiita Skopo okwa ti etalelopo lyaayenda mbaka olya kwatelamo ependulepo lyuudhano noku kwathela mpoka taya vulu onkene, ta indile aawiliki yoosikola opo ya ethe mboka yahala oku wayimina osheendo shika pomahala geli popepi noosikola dhawo, ta indile wo aakalimo yomiitopolwa mbika opo ye keya wayimine wo.

LEAVE A REPLY

Please enter your comment!
Please enter your name here