Erundu lya longekidha uudhano waanona aashona

0
232
Wumwe womuunona mboka ha wu kutha ombinga muudhano wErundu

OSHAKATI-Uudhano wosikola Erundu waanona aashona nuumvo owa sindanwa po kosikola yoInternational Primary School.

International okweya gwotango metanga lyokoompadhi konima sho a li a ulukile oosikola oonkwawo komutse gwondjamba.

Osikola Ehenye oyo enyakwa lyuudhano wetanga lyomokambamba sho uukadhona wosikola ndjika wa li wa dhenge oosikola oonkwawo nokutoolapo ehala lyotango moNetball.

International Primary School okwa li a toolapo okapandi ko N$ 800 nekopi, omanga Oshakati Primary School ya li ye ya pehala etiyali moka ya li ya mbendekwa okapandi koodola 500.

Erundu ndyoka olyo lya li mwene gwosheendo olya li ashike lya pondola oku likola ehala etitatu moka lya hekelekwa nokapandi koodola 350.

Mokatanga komokambamba Ehenye olya li lya pandulwa nokapandi ko N$ 800 nekopi omanga Internationala Primary School a li apewa 500 sho eya pehala etiyali, lyo Erundu ta li etelele okano pehala  lyahugunina.

Uudhano mbuka owu li oshitopolwa shomapendulepo guudhano mokati kaanona aashona.

Oosikola odhindji ohadhi kutha ombinga muudhano mbuka na owo osheelo okupitila opo aanona ya dhimbulule iitalenti yawo manga ye li lela pomimvo dhopevi.

Uudhano mbuka ohawu kala ko omumvo kehe na ohawu kwatelwa komeho koshikondo sho Junior Primary posikola Erundu.

Olyomakaya gazako okapale kosikola Erundu oka li ku udha lela sho aavali naalongwa yaza koosikola dhilwe ya li ya kutha ombinga muudhano mboka ha wu dhanwa uule wesiku limwe.

Primary Sport 1:

Primary Sport 2: Osipana Erundu yokatanga komokambamba ya thanekwa naadheuli yawo

Primary sport 3: Oohembumbangele oya li shi li ta ya ulike iitalenti yawo mpeyaka pErundu.

LEAVE A REPLY

Please enter your comment!
Please enter your name here