Etulo miilonga netalelo lyoopoloyeka

0
208
Ondungethaneko yelikolo Harambee oya shike

 

Egameno lyuushitwe; Namibia  okwa tsakaneke eshongo lyiiyamakuti ya gamenwa tayi dhipagwa unene ngaashi oompanda noondjamba omolwa omayego nooniga dhayo.Otwa pumbwa okukala nawa nonombili niikwakuti no tatu pangula mboka taya dhipaga  iinamwenyo mbyoka ya gamenwa. Otatu hiya noku yambidhidha iigwaana mbyoka iikuume natse opo tu hulithepo edhipago lyiinamwenyo mbika ya gamenwa.

Otatu  yambidhidha ondjila ya kuthwa ko AU yoku longa pamwe  noongundu dhiilongo pamuhupilo miitopolwa[ hol SADC, ECOWAS]. Moshinima shehangano lyehumo komeho mUumbugantu wAfrika nenge SADC  osho wo ehangano lyuukumwe wiifendela lyUumbugantu wAfrika nenge SACU ogo taga tungu ehuku lyomulandu gwetu gwe hengumukilo mumwe lyopashitopolwa.Tse otwi itulamo  moku tulapo omilandu dha faathana opo tu pupaleke einyengo lyiinima oshowo aantu moshitopolwa shaSADC.Tse otwa tokola okukala uupitilo waakuuyuni mboka taye ya moSADC no twi itulamo okugandja ompito kiilongo mbyoka yaana omunkulofuta yi vule okukala ya kwatathana nefuta.

Ishewe tse otwi itulamo okulonga pamulandu gwoSADC gwiikwafabulika ngoka gwa zimininwe moHarare omumvo 2015. Oku ulika kutya tse otwi itulamo meyomumwe lyAfrica, otwa shaina euvathano lyoonkuvu ndatu, ndyoka tali fala methikamepo lyoshitopolwa shiipindi ya manguluka oshinene muuyuni noku etela Namibia omaalaka yaantu oomiilliona omathele gatano[500] mboka taya kala noku landa iilongomwa yaa nangeshefa yetu. Tse otwi itulamo okuudha  meyomumwe lya Afrika nomedhikopo lyepangelo lyuukumwe.

Okutalulula omulandu gwiikwapondje; Momwedhi nguka otatu ka talulula omulandu gwetu gwiipambele yopondje yoshilongo nelalakano okutembuka mugo  noku gulukulula gu kale hagu ithanwa Omulandu gwOmakwatathano gopaigwana nelongelokumwe. Muuyuni wa hengumukila mumwe kapena we omuntu omuzaa zayi. Onkene shetu otatu kala tatu tungu  ekwatathano oshowo elongelokumwe nookume ketu muuyuni shi ikwatelela komulandu gwetu kutya tse aana yoipaigwana nokuume kaayehe no katuna ngoka tu tonde.

Kohi yetonatelo lyoSADC, tse otatu tsikile oku humitha komeho oonkambadhala dhetu dhoku mona omalandithilo galwe komahangano guukumwe gaashi gomo Africa ngaashi MERCOSUR,  EU, ASEAN na galwe wo.

Etulo miilonga, etalelo noku gandja omishangwahokololo.

 Osha popiwa omalupita nopoompito odhindji kutya Namibia okuna owino yokuninga omathaneko ndele okuna uunkundi ngele tashiya pokutula ngoka miilonga. Etulo miilonga tali ende kashona  nenge poompito dhimwe ndika lyaapo nando, shika otashi pelwa uusama iiyimbi oyindji.

Omandangalati gamwe mondjila yoku tula miilonga omathaneko ngaka ongaashi, ompumbwe yoonzo, dhopantu naandhoka dhopashimaliwa okulonga shoka sha uvathanwa.Omayimbo omakwawo oga kwatelamo okwaana uuyelele kombinga yiinakugwanithwa, kokutya olye ena oku ninga shike noshike shina okulongwa ku ngandi. Mu ayihe mbika oshinima otashi ulike kokuwilika ku li nawa nenge taku longo nawa.

Shimwe sha simana metulo miilonga lyomathaneko osho okwaana oshinakugwanithwa nokulonga puuyelele.

Omathimbo gamwe iilonga ihayi longwa molwashoka kapena ngoka ena oshinakugwanthwa shagwana. Onkene ongudhi yimwe ya Harambee ndjoka yokuwilika nawa oya simana opo owala omathaneko ngaka ga sindane. Oshikwawo eendelelo metulo miilonga lyomathaneko halyo lina unene oshilonga ndele shoka sha simana ooshoka kutya omathaneko gongushu oga tulwa miilonga noshowo kutya iimaliwa mbyoka ya longithwa oya hepuluka shili.Onkene otuna oku longa nawa shili mu kehe oshinakugwanithwa tatu ningi. Ina shi gwana okutya owa longa shontumba  nenge oshinakugwanithwa wa pelwe owe shi gwanithapo.Eyooloko mokugwanitha iitumwa yoHarambee olili pomukalo nkene mbika tayi longwa nawa sho shika otashi ka nwethamo wo elongo nawa alihe lyoholomende.

Okuninga iilongadhalwa yo Harambee iitopolwa yomauvathano gOoministeli giilonga.Naangaka otaga pewa oshitopolwa kehe nomuniilonga kehe pondondo kehe mepangelo. Opo tu kale tatu longo omuko gumwe Ombelewa yOministeli Onkuluntu [OPM] otayi tala kutya iilonga ayihe yiikondo yepangelo tayi longwa oyi li momusinda gumwe nomalalakano goHarambee.

OPM ota ka tala wo kutya  omalalakano ga pewa oshikondo kehe otaga gwanithapo iipumbiwa yontumba tayi vulu okuyalulwa nenge okumetwa, tayi vulu oku adhika , yoshili lela na ishewe oyina okulongwa meni lyethimbo lyuuthwa. OPM ota si wo oshimpwiyu kutya  iilonga mbyoka tayi gwanithwapo koshikondo kehe oyo iilongadhalwa yoshikondo shoka. Oshiholelwa Uuministeli wiilando owuna okutseya kutya omahala gethike peni ga opalekwa opo ga tungwe. Nenge mboka wIikwankondo otawu tala kutya olusheno luthike peni luna oku gwedhelwa kiilonga yomalusheno, nokutya omomwaalu gu thike peni oshowo nduka otalu zi moonzo dholudhi luni, oonte dhetango nenge ombepo. Oshowo kutya nduka otalu ka monika okuza peni oshowo uunake..Iikondo oyina okugandja omahokololo gayo komumvo kehe gaashoka yo ya longo uule woomwedhi ndhoka 12 kombinga yiinakugwanithwa mbyoka ya pelwe.Opo ku yandwe onkalo yuuhandimwe, opena okukala omakwatathano pokati kiikondo ngele tashiya kiilalakanenwa. Oshiholelwa oshikondo shIipindi noongeshefa ooshona nodhopokati ina shi vula  oku adha elalakano lyasho molwashoka kasha li nolusheno lwa gwana. Nenge elongitho lyiikwa intanet kalipo molwashoka MICT-Uuministeli wOmakwatathano gopangodhi inau longela kumwe noombelewa oonkwawo.

Okommissi yOmathaneko gOpashigwana  pamwe nombelewa yoOPM otaya kala taya talele shoka sha gwanithwapo oshikako kehe. OPM ota talulula iilalakanenwa ayihe ngaashi ya ziminwa meuvathano lyiilonga. Mpoka iilalakanenwa inaa yi adhika  otapa gandjwa omathaneko go ku opaleka mbika opo iilalakanenwa mbika yi galukile komusinda  moshikako sha landulako.Iilonga ya NPC otayi kala mbyoka yoku talela etulo miilonga lyoopoloyeka dheyokomeho, ya gwedhwa kwaambyoka yoku tala kutya iimaliwa yoopoloyeka oya longithwa ngaa ngashika ya nuninwa. Omushangwa gwa NPC otagu kala nehokololo lyiithikamena kombinga ya ngele iilonga mbika otayi ende pamathaneko nenge ahawe , naandika otali ka faathanithwa naandyoka lyehangano tali longo iilonga mbyoka. Mpoka pena omayooloko oshinima shika otashi ka undulilwa kombelewa yOministeli Onkuluntu. Omishangwahokololo odhina okukala dhina iitsa  yi uvitike oshowo uumbangi. Mpoka pwaana uumbangi washa pamushangwa nosho tuu nena shika otashi ka talikako ongo iilonga mbyoka ya ya pombambo nenge ya gwako kolutenda. Konima yetalululo ko OPM naNPC, Omuperesidente ota ka kundathana nkene Ominista kehe ya longo uule woshikako kehe.Omuperesidente ota kala noku talelapo iilonga ya simana omumvo aguhe.

Komumvo kehe oombelewa OPM na NPC otadhi tala iilalakanenwa ayihe yaHarambee. Opo pu kale uunashinakugwanithwa, aanambelewa ayehe aakuluntu  otaya ka kutha ombinga metalululo ndika sho taya gandja omishangwahokololo dha shainwa mwa kwatelwa nuumbangi waashoka sha pondolwa po. OPM ota tula po ehala mointanet mpoka uumbangi mbuka tawu nyolwa opo mbuka wu konakonwe noku itaalwa. Konima ombelewa ya OPM ngele oya mbilipalelwa kutya omalalakano oga adhika , nena ndjika otayi  tala nawa kutya omalalakano gokomumvo goshikondo shoka padhiladhilo lyoHarambee oga adhika. Oshiholelwa ngele oveta yomapungulo nenge NIDA oya tulwa miilonga , nena otaku talwa ngele Namibia omuthika gwe guuthigathanipo muuyuni mokukala ehala ewanawa okupungula iimaliwa ogwa ya pombanda nenge ogwa shuna pevi nenge inagu lunduluka po mpoka gwakala. Mpoka iilonga inaayi fala melunduluko lyasha oku adha omalalakano goHarambee, nena omathaneko omape noonkatu dhilwe otadhi gwedhwapo opo momumvo gwa landula iilonga mbyoka yi kale ya longwa shi iwetikile.

IIiyuliki oshowo omalalakano omanene itaga lundululwa. Ye Omuperesidente omumvo kehe mepopitho lye lyoshigwana ota kala  nokutseyitha kutya oshike sha adhika po sigo oompoka kombinga yomalalakano agehe goHarambee.

LEAVE A REPLY

Please enter your comment!
Please enter your name here