Olukongo lwomuwiliki gwoTLC om’pe

0
214

 

David  Mbeha ngoka eli omuwiliki gwotango omuAfrika gwoprograma yomoTV yedhina TLC ota ti ndjika oye mu longo oshindji itee ke shi dhimbwa.

“Oshowu ndjika oya pendje aapulakeni naatali moAfrika alihe.” Esimaneko  osho wo ohole ndjoka nda taamba muAfrica otayi kala aluhe momutima gwandje.Shoka ndi ilongo mokuwilika oshowu ndjika ya TLC  otandi kala nde shi pungula nohokwe na osho shimwe shoka tandi ka hokololela aatekulu yandje esiku limwe.Ondi ilongo oshindji kombinga yiilonga yoTiivii. Onda mono nkene oondjodhi dhandje tadhi tsu nonda li ndishishi kutya onda thika megumbo. Otandi kala nongunga ya TLC sho a pendje ompito ndjika onene mepipi ashike lyomimvo omilongo mbali”

Ngaka omatumbulo ga Mbeha a popi konima ashike ye tseyitho kutya oshowu ndjika otayi kongelwa omuwiliki omupe ngoka ta ka wilika ndjika okuza oshikako shotango shomumvo tu uka. Mbeha ota kala noku wilika oshowu ndjika yi na iiluku ine sigo oosho omuwiliki omupe a tameke oku uka mu Maalitsa omumvo tu uka.

Mbeha okwa nyanyukwa okuhogololwa ongomuwiliki gwoshowu ndjika pethimbo ye, konyala aale a  ethepo kehe shimwe shoka a li ta lalakanene monkalamwenyo.

Mbeha okwa li gumwe gwomokati kaaningi yomaindilo guuwiliki woshowu ndjika eyovi limwe nomathele gatano ya indilile ompito ndjika mo 2015. Okwa li a hogololwa kaatali yotiivii omayovi 60 000 okuza maathigathanipo yatatu mboka ya li oyo ya yi kedhingoloko lya hugunina.

Ethigathano lyomumvo taguya olya tegelelwa okukala enene lyo ishewe olina omagano ogendji, komusindani ngaashi efudho ewanawa lyaantu yaali oshowo ompito okuya koLondon hoka taku ka thanekelwa omaudhano agehe goshowu ndjika yiiluku ine.

Nuumvo oshowu ndjika otayi longele kumwe na Colgate Optic White, oku konga omuwiliki ngoka omusindani ye ishewe okuna eimemeho lyaColgate, opo nguka a ka wilike oshowu yedhina TLC’s MOST EXTREME.Ndjika oshowu ompe yiiluku ine tayi pingenepo ndjoka tayi ulikwa ngashingeyi. Otayi kala noku ulikwa ko DStv 135 moshikako shotango shomumvo tu uka. Omuwiliki naye ota ka ningilwa wo okino yehokololo lye.

Mbeha okwa ti pethimbo ta wilike oshowu ndjika  uuna a li a pumbwa omuntu oku mu kwatha, Afrika oye e mu pulakene noku mu zaleka oshishani. Okwa ti kehe gumwe okuna okupewa ompito  opo a mone sho oondjodhi dhe tadhi tsu. Okwa kumike ayehe mboka taya ka kuthombinga methigathano ndika a ti ina ya sa uunye ihe naya tsikile noku kambadhala opamwe negalikano. Mbeha okwa ti nando konima yoshowu keshi kutya oshike tashi landulako ye okwi itaala kutya ota ka galukila mbala kotiivii momukalo gulwe.

Lee Hobbs, Omuwiliki gwopevi gwo Channels, Emerging Business, Discovery Networks CEEMEA okwa ti “Nuumvo otatu kongo aathigathani mboka ya shitilwa okukala komeho gomafano gotiivii, mboka yena eitulemo enene, ye na osheeta, omuhingo omwaanawa gwoku longa iinima  osho wo haya imemeha ngaashi osho sha pumbiwa okukala moTiivii..

Aaholi yo TLC menenevi alihe oyena ethimbo sigo omomasiku 21 Auguste, oku ninga omaindilo gawo molupe lwokavidio koosekonde omilongo 90 hoka taka ulike kutya omolwashike ya hala okuwilika oshowu ndjika omumvo tu uka. Aaindili otaya ka lesha oshinyolwa manga yo taya thanekwa.

Uuyelele auhe mboka wu na sha neindilo oku kuthombinga methigathano ndika otawu adhika kowebsite yo Next Great Presenter.

 

LEAVE A REPLY

Please enter your comment!
Please enter your name here