Oshana Heroes Club enyakwa muudhano waanuulema

0
173

OSHAKATI – Okalaba yaanuulema mOshakati yedhina Oshana Heroes Club oyo dhingi muudhano waanuulema wokomumvo mboka wa dhanenwe mOshakati ehuliloshiwike lyayi.

Uudhano mbuka wokomumvo ohawu kwashilipalekwa kehangano lyo Consulting Services Africa.

Oshana Heroes Club oya li ya mono omasindano ogendji miinyangadhalwa yomaudhano moka ya li ya kuthombinga Olyomakaya gaziko.

Aadhani yomOshana oya li ya mono omasindano ogendji mokumatuka 100m oku umba ondjundo (shot put), egonga (javeline) noshowo ongalo (discus), oya li wo ya ulike oonkondo nuunyakwa muudhano woBasketball moka ya li ye ya pehala etiyali konima yoKhomas Wheelability ndjoka oyo ya sindanapo uudhano wo Basketball.

Muudhano woBasketball Khomas Wheelability oye ali eya tango nokwa li a toola po oshipandi shooN$ 600-00, omanga Oshana Heroes Club A ya li ya toola po okapandi ko N$ 400.

Osipana yOshana B oya li ya toolapo ehala etitatu ndyoka ihaa li pewa oshimaliwa na oya li ashike ya pewa omedalia dhoshikushu dhili omulongo.

Konyala iitopolwa yithike pu ihetatu oya li ya kutha ombinga muudhano mbuka wa li wa nana aatali oyendji wa ningilwa pokapale kEmanguluko kaShakati.

Omudhani kehe eya gwotango moshinano kehe okwa li a pewa ooN$ 50 omanga ngoka eya omutiyali N$ 30, nomutitatu okwa li a hekelekwa noodola N$ 20.

Omulongekidhi guudhano mbuka Termus Kamati okwa ti ethigathano lyonuumvo olya adha omalalakano ogendji oku yelekanitha nomimvo dhapiti, ta ti oyendji yomaadhani yali ya kutha ombinga oyo mboka ta ya kakalela po Namibia kuudhano wOlimpika koRio mboka tawu tameke nena.

LEAVE A REPLY

Please enter your comment!
Please enter your name here