Uudhano woongonyo  Olyomakaya ndjika moVenduka

0
215
Uutekete  kolugodhi lwa No Mercy Part-5 ndoka talu kala moWindhoek Country Club momasiku 6 Auguste otawu adhika poComputickets. Uutikete wakwaalukehe otawu landwa ooN$300 omanga oshitaafula shaavalekele omulongo pu kehe otashi landwa kooN$10,000.  

 

Windhoek –  Aaholi yuudhano woongonyo otaya ka nyanyudhwa kaadhengingonyo ongulohi yOlyomakaya pethimbo lyomalugodhi puudhano woongonyo kohi yoshipalanyolo “No Mercy Part 5” .

Uudhano mbuka owa tegelelwa oku ka nyanyudha aatali wawo unene no nawa, oshoka mbuka owa uvaneka omalugodhi, taga ka kondjwa pwaana ohenda , go ishewe otaga dhanwa nuukeka kaadhengingonyo  aanamadhina moshitopolwa shuudhengingonyo.

Uudhano woongonyo wo No Mercy Part-5 otawu kalako Olyomakaya ndjika pohotela  pondje yoVenduka yedhina Windhoek Country Club. Mbuka otawu etelele aanamadhina muudhengingonyo mwa kwatelwa Paulus ‘The Hitman’ Moses, Imms ‘Prince’ Naidjala, Walter “The Executioner” Kautondokwa, Julius ‘Blue Machine’ Indongo na Jeremiah ‘No Respect’ Nakathila mboka ayehe taya ka ya mondambo oku umba dhopomeho.

Olugodhi olunene nenge lwa simana ongulohi ndjoka oondoka lwa Kautondokwa ngoka ta ka kondjela lwotango oshishani shopaigwana, molugodhi lwe nomukondjthi gwe Walter Dlamini omvalele ya South Africa ,mbaka yaali otaya ka thigathanapo opo omusindani a likole oshishani  shondjundo yolutu lwoongonyo muuyuni sho WBO Africa Middleweight  shoka pethimbo ndika shaana mwene.

Kautondokwa okwa kondja omalugodhi 11 okwa sindana agehe omulongo gomwaangaka e ga sindana noku dhenga ongonyo yimwe nopevi ye oye  enyakwa lyaNamibia  lyondjundo yopokati pethimbo ndika.

Pethimbo uudhano mbuka wa li wa tseyithwa moshilandopangelo  Kuutondokwa okwa li uulike kutya ye okwi ilongekidha okukatuka uuka pombanda moku kondjela ondjambi onene. “ Ondi shishi kutya shika otashi ka kala eshongo enene kungame ndele otandi uvaneke ngaashi shito kutya otandi ka longa nawa ngoshito”

Ongulohi oyo tuu ndjoka Paulus “The Hitman” Moses’ otaya ka kondja na Thompson Mokwena omuSouth Africa ngoka ya kondjele naye omathimbo gaziko..

Imms ‘Prince’ Naidjala ota ka umbathana na Fadhili Majiha omuTanzania mondjundo yoWBO  Africa Intercontinental bantamweight omanga Julius ‘Blue Machine’ Indongo ota ka kondja na  Fabian Lyimo gwaTanzania mondjundo yoWBO Africa Jnr Welterweight title. Jeremiah ‘No Respect’ Nakathila ota ka palamena Jasper Seroka omuSouth Africa mondjundo yoWBO Africa Jnr Lightweight.

 

 

LEAVE A REPLY

Please enter your comment!
Please enter your name here