Ya gongele omayovi ge vule 40

0
247
Iilyo yelyenge lyAakiintu naalumentu yi imanga kumwe moku kondjitha iimbuluma moshitopolwa Ohangwena. Mbaka oya gongelele N$ 44 000 ngoka taya longitha okwi ihondjela omizalo  dhiilonga.

 

 

ONGHA – Ongundu yaakiintu naalumentu yi imanga kumwe mekondjitho lyiimbuluma moshitopolwa shaHangwena oya gongele oshimaliwa sha konda po N$40 000.

Ongundu ndjika oya ningile oshinyangadhalwa nokugongela oshimaliwa shika mokati komwedhi gwa yi. Poshiithanene shoka sha ningilwe okuza omasiku 21 sigo 24 Juli nuumvo ongundu ndjika oya gongele N$44 000.

Omukwatakanithi  gwongundu ndjika  Nestory Moses okwa ti oosenda odhindji ndhoka dhina iilyo yelyenge ndika odha li dha  kalelwapo poshiindingili shoka. Okwa ti iilyo oyindji oya ulike eitulomo lyawo moshilonga shika shoku kondjitha iimbuluma.

Moses okwa ti oshimaliwa shika ya gongele otashi ya kwathele opo ya tsikile noku hondjitha omizalo dhiilyo yongundu ndjika mbyoka ya li ya hupako komizalo.Otaya tala kutya omwaalu nguka otagu ka hondjitha omizalo dhi thike peni niilyo yili ingapi tayi ka hupako konima ngele iimaliwa ayihe mbika oya longithwapo. Omvogu oya li ya hondjitha iizalomwa yoosenda dhili omugoyi.

“Oyendji yomiilyo yetu ohayi longo muukumwe no tu wete kutya muukumwe otatu sindana niimbuluma otatu kala tweyi vudha mo moshitopolwa shetu.Omolwa ompumbwe yoshimaliwa otwa kala ethimbo tatu kambadhala nokunyangadhala opo tu totepo omuzalo gwetu gwiilonga tse tu kale tatu dhimbululwa nuupu, omumvo gwaziko otwe shi pondola sho twa gongelepo omwaalu omushona, nonuumvo otwa pondola sho twa hondjithapo dhimwe dhomomizalo dhiilyo yetu nopethimbo ndino otwa pa oosenda omugoyi manga omizalo. No natango otatu tala kutya otatu ningi ngiini,” Ta tsikileko.

Ta ti ohaya gongala pomahala ga yooloka yo taya ndungikathana, noku tsaathana omukumo yo ya tale kutya otaya iyambulapo ngiini mokukondjitha iimbuluma,  Oya thaaneka opo ya ka ninge egongelo lyoshimaliwa momasiku 21-24 Juli nuumvo mono taya gongele oshimaliwa opo ya manithe omizalo dhawo ngaashi yali yeshi ningi omumvo gwayi.

Okwa ti ongundu ndjika moshitopolwa shawo oya thikamapo miilyo 4 093 lwaampoka, nomuna oosenda odhindji kiikandjohogololo konyala ayihe.

“Ongundu ndjika oya totwapo mo 2011 nelalakano lyoku kondjitha iimbuluma , yo aakwashigwana yetu ya kale taya ende ya manguluka yo yena ombili moshilongo, otandi pandula iilyo yetu oshoka oyi uviteko nonande taya longo meiyambo shino ihashi ya shuna monima. Ohaya longo aluhe meitulemo no yeshi shoka taya lalakanene, omwaalu gwetu otagu ende gu uka pombanda ethimbo kehe oshoka oyendji yomaakwashigwana oyu uviteko esimano lyekondjitho lyiimbuluma,” Moses ta ti.

Okwa ti yo oya tsikila natango okukondjitha iimbuluma, noku ninga oshitopolwa shawo shikale shaana nande omiyonena tadhi ningwa ngaashi shili pauvaneko lyawo.

Moses ta ti ohaya inekelwa olundji kopolisi ndjono haya longo nayo, no haya kalekepo egameno pomahala ga yooloka nongele ya mono pehala lyontumba puna aantu taya inyenge taya limbilike ohaya tseyithile opolisi yo tayi thiki mbala.

 

LEAVE A REPLY

Please enter your comment!
Please enter your name here