Asi sho a nu omeya

0
498

OSHALONGO – Omulumentu goomimvo 26 okwa lopotwa a hulitha konima sho anu omeya. Shika osha ningwa mEtitatu lyoshiwike sha ziko momukunda Oshalongo mOshikoto.

Omulumentu ngoka taku hokololwa omukwashigwana gwaAngola oya li anuwa taya ende pamwe nookuume ke, nokwa kala owala ta ti okwa sa enota nokwa hala omeya gokunwa.  Oya pite megumbo lyopuushiinda mpoka ya pewa omeya.

Konima sho a nu omeya ngoka okwa tameke ta kungu noonkondo, nonkungo ndjoka kaya li hala okukodha, naashono osha ka hulila meso. Omulumentu ngoka a dhimbululwa nedhina Hanivali Frans okwa hokololwa kuty opo owala hulithila mpoka.

Shino osha ningwa lwopotundi ontimulongo yomutenya. Nonande Frans anu omeya ngoka na yakwawo, mboka inaya kunga nande no inaya lopota ando yena uuwehame tawu limbilike.

Aakalimo yomomukunda ngoka mboka yali poshiningwanima oya ti oya kunkwa noya kumwa keso lyomugundjuka ngoka, no ka ye shi kutya otaye shi hokolola ngiini, unene ngaa sho yanu pamwe nooyakwawo ihe oye owala a kwatwa konkungo ndjoka ya fala sigo omeso.

Kuume ka nakusa ngoka ya nu omeya pamwe okwa ti naye ita vulu okushi hokolola nonande ye ende ondjila yimwe. Okwa ti konima ashike sho Frans anu omeya ngoka okwa tameke ta kungu ngaaka. Ta ti ayehe oya nu ngaa mehalasa limwe .

Ta ti naye okwa nyengwa kutya oteshi hokolola ngiini, ashike anuwa sho ye ende ondjila yawo ina holola ando afa kee uvite nawa kakele kenota ndyoka a kala ta lili, nosho ya tokola ya ye megumbo ndyoka lyopuushiinda yo ya pule omeya.

Opolisi oya lopotelwa oshiningwanima shika, noya thiki mbala. Opolisi ndjoka yomoshitopolwa shaShikoto oya ti otayi ka ninga omakonakono yo yi tale kutya osheetithi sheso ndyoka tali limbilike oshike naanaa. Naakwanezimo ye oya tseyithilwa oshinima shika.

Natango molukanda lwaKuvukiland mOshomeya omwa lopotwa omulumentu gwoomvula 40 iitsuwa iimangeleka  mEtitatu lyoshiwike sha piti, konima sho yali taya nyenyeta nomuholike gwe. Kaku shiwike  lela kutya oshike she eta oontamanana pokati  kaa mbaka.

 

 

 

LEAVE A REPLY

Please enter your comment!
Please enter your name here