Exit  a ndjokonona ondjila ye yo moongalo

0
641
Exit ngoka apopi kombinga yoongalo dhe, nondjila ndjoka a enda opo akale omuhikingalo omwaanawa.

 

Windhoek

Omuimbi a tseyika nawa dhingi moongalo dhoKwaito moshilongo, David Shikalepo, a tseyika nedhina Exit, okwa popi noshifo Kundana kombinga yoongalo dhe, nondjila ndjoka a enda sho a topoka naMushe, okuza mo2010.

Exit okwa ti sho a hogolola oku imba oye awike, iinima ayihe paife otai ende nawa no yi li pomahala.

Exit okwa li a tseyika naMushe, pethimbo yali ha ya imbi pamwe, eta pititha ooalbuma dha adha pu ndatu. “Moongalo, aahikingalo ayehe mboka ya pyokoka ohaya tameke moongundu, nelalakano lyohokwe yoku ilonga noku tseya omulyo gwoongalo, ashike ekoko lyomuhikingalo kehe ohali imonenwa ngele a tameke oku imba oye awike,” Exit ta ti.

Okwa popi ta ti oomvula adhihe ndhika omulongo dhapitipo sigo onena okwa kala noku taandelitha oongalo dhehangano lye lyoRockaz Entertainment, ndyoka a totelepo konyala mo 2012, konima sho ali apititha oalbuma I am Rockaz, ndjoka yali ya taambiwako koyendji.

Sho apulwa koshifo shika kutya oshike sha ende mongaya kombinga yoongalo dhe, Exit okwa ti kapuna shoka sha endapo, ashike oongalo dhe otadhi landitha nawa, noha kala a uvite ombili komwenyo ngele oongalo tadhililithwa mooTaxi, omalyukulyuku, nomooradio dhomoshilongo.

Nonando Exit ali a pulwa kutya oshike inaa kala nokusindana omakopi ogendji oomvula dha piti ngaashi Mushe, okwa ti keshi kutya omolwashike, nokwa ninga ombili nasho. Ye shampa ashike ta imbi, molwa ohokwe yoongalo, noku gandja omulyo gwoongalo dhe.

Ngaashingeyi Exit okuli metifa lyoku pititha oalbuma ye ontiheyali, ndyoka tayi ka ithwana CumLaude/Back to the roots, no tayi ka pita muSeptemba. “paife itandi ka popya manga kutya onda imba nalye, oshoka kehe gumwe ote ke shi imonena.

Okwa indile opo aayambidhidhi ye yakale noku mu yambidhidha opo a pule komeho.

 

 

LEAVE A REPLY

Please enter your comment!
Please enter your name here