A kwatwa niilyo yolutu yokamonagona mondjato

0
583

Omulumentu gumwe moSouth Africa okwa kundanekwa aadhika ena iilyo yoluvalo yokamonagona mokampunda ke kiimaliwa. Oshiningwanima shika oshikumithi notashi tilitha, otashi vulika shi etele omulumentu nguka, oshoka otashi vulika a patululilwe oshipotha shedhipago.

Oshikundaneki shaBritania BBC osha ti omulumentu ngoka inaa tumbulwa uukwatya we okwa kwatwapo kopolisi oshiwike shayi konima sho eyi fala mokuti koEastern Cape, hoka kwa adhika omidhimba gwomonagona omunamimvo 18.

Mpoka, opolisi oya ndhindhilike kutya yimwe yomiilyo yokamatyona haka kayi ko. Sho ya tala mokandjato ka hekulu nguka oya adha mo iilyo yopaivalithi yomulumentu, mbyoka yaka monika kutya oya kamatyona nguka.

“Otwa adha iikaha, omutse nomagulu ga tetwako kolutu noku itsa iilyo ye yuulumentu mokampunda kahekulu kiimaliwa” Mzukisi Fatyaela Omupopiliko gwopolisi yomUuzilo waKaapa a ti a lombwele oshikundaneki AFP.

Oshihakanwa shika osha li sha kana okuza mokandoolopa Ngcobo. Opolisi inayi gandja we omauyelele ga gwedhwapo, ashike otayi tsikile omakonakono okutala ngele omulumentu nguka a adhika nuulumentu mondjato oye a dhipaga omwanagona, edhipago lina sha noku ikoleka. Iilyo mbika anuwa ohayi longithwa koonganga mokulonga iilonga yadho yoku koleka aakongi yuuyamba nelago lyomuuyuni wonena pahapu dhoBBC.

Okwa kundanekwa kutya moSouth Afrika omuna onkalo yili pombanda yoonganga tadhi pula iintimbu yomalutu gaantu mokukwatha mboka ya hala okwiikoleka.

Omulumentu nguka okwa tegelelwa a ka ningilwe oshipotha kopolisi.

 

LEAVE A REPLY

Please enter your comment!
Please enter your name here