Mujuru a simonona Mugabe

0
194

Harare –Omupeviperesidente nale gwaZimbabwe okwa simonona uukwatya wOmuperesidente Robert Mugabe kombinga yiita yemanguluko. Omaipulo ngaka oga adha Joice Mujuru sha landula kekwatopo lyaawiliki yoonakulwa aakulu Omaandaha oshiwike shika.

Oshikundaneki NewsDay osha endulula oohapu dha Mujuru ndhoka a popi poshigongi shongundu ye yopolitika yo Zimbabwe People First [ZimPF] moChinoyi kutya omathimbo gamwe Mugabe okwa nenepeke shoka a longa moku kondjitha uukoloni.

Omupeviperesidente nale okwa indile Mugabe opo a gandje omaukwatya ge ngoka taga ulike kutya ye omukondjelimanguluko, moku gandja iilukadhina ye yomiita.

“Oonakulwa aakulu kaye shi aagoya; ino tompakanitha okumwena nemweno lyawo nuugoya. Mugabe ota ningi oondholongo dhopolisi oshowo oondholongo dhodhene  omagumbo goonakulwa aakulu omanga oompangulilo dha ningi omahala gawo goku iyuvithila nawa,” osho Mujuru a endululwa kiikundaneki.

Omupopyo nguka ogwa popiwa konima yoshiwike shimwe  sho aawiliki yaakondjelimanguluko nale ya li ya tidhwamo mongundu tayi pangele yo Zanu-PF.

Zanu-PF okwa hokololwa anuwa a tidha mo aakondjelimanguluko yahetatu mbaka anuwa oya “ulike yaana elandulathano’ sho anuwa ya tsondumbo newiliko lyaMugabe.

Mokati kaamboka ya tidhwa mo omuna Amushanga Ndjayi  gwehangano lyoonakulwa aakulu ZNLWVA, Victor Matemadanda,omupopiliko gwehangano ndyoka Douglas Mahiya, Kommissala gwopashigwana, Francis Nhando, nomupevinashipundi Headman Moyo.

Amushanga gwelelo moZanu-PF Ignatius Chombo okwa ti mbaka anuwa otaya ka joinwa kaawiliki yalwe yane mboka inaaya tumbulwa komadhina.

Chombo okwa ti aawiliki yoonakulwa aakulu mbaka  oya tidhwamo mongundu tayi pangele molwashoka yaana elandulathano nevuliko.

 

 

 

 

 

 

 

LEAVE A REPLY

Please enter your comment!
Please enter your name here