Mvula ota yambula po omaudhano moNooli

0
290
Erastus Mvula pethimbo ali ta kuthileko iikundaneki mOshakati ehuuliloshiwike lyaziko

OSHAKATI-Erastus Mvula omunangesefa omukulu mOshakati okwa hala aanyasha yokoNooli opo yiitule momaudhano ya vule okulikolamo sha yo yi ihumithe komeho.

Ndhika omusamene Mvula, okwa li edhi popile pehalandjandja lyongeshefa ye mOshakati pethimbo a li ta kuthile ko iikundaneki sho ali a gandja oshali yo N$ 100 000, ko Kilimandjaro Boxing Club ndjoka yina uudhano woongonyo muSeptemba.

“Ethimbo olya thika opo Oshakati niitopolwa yilwe yokoNooli  yi kale tayi hambula aadhani noosipana dhili pamuthika gwopaigwana, no kaa tu kale ashike twa yaminina kOvenduka ngele ota shiya pamaudhano”,Mvula ta ti.

Mvula ngoka a kala ethimbo ele noku kwathela miikwamaudhano ota kumagidha aadhani opo ya kale yena omikalo omiwaanawa opo ya vule oku adha iilalakanenwa yawo monakuyiwa.

Okwa ti ngele oya ningi shika nena otaya vulu wo okunana aanangeshefa opo ya vule okuya pa omakwatho gopashimaliwa nenge galwe.

Okwa li a pupula Okalaba yaKilimandjaro kombunda sho tayi longo omutenya nuusiku oku kutha aagundjuka momapandaanda nokuya pa onkalamwenyo ompe okupitila momaudhano.

Pethimbo sho ali ta gandja oshali ndjika Mvula okwa lombwele aadhengingonyo opo ya ka longithe oshali ndjika ya mone ontseyo yagwana yo ya vule oku ki ikwatha monakuyiwa.

Okwa ti okwa hala uudhano uunene wu kale wo hawu thiki nokoNooli oshoka olwindji ohawu uvikilwa ashike kOshilandopangelo.

Uudhano waKilimandjaro owuliko momasiku 10 Septemba ta wu ka ningilwa pomatala omape mOshakati, sho Michael Benhard ta kaya mondambo na David Shinuna muudhano mboka ta wu ka etelela omaudhano galwe geli gaheyali.

Uutekete wuudhano mbuka ota wu adhika poositola dha OK Funiture, Shoprite, nopoCompu Ticket.

 

LEAVE A REPLY

Please enter your comment!
Please enter your name here