NNOC ta kongele Jonas ohahende

0
245

 

Windhoek

Okommittee ya Namibia yoPashigwana yOlympic oya li yi ipyakidhila okukongela omudhengingonyo gwaNamibia ohahende onawino oshowo ndjoka hayi popi Oshiputu nOshiingilisa oshiwike shika.

Omuperesidende gwaNNOC Abner Xoagub okwa ti ohahende ndjika oya pumbiwa opo ya vule oku taaguluka endangalati moshinima shelaka moshipotha shaJonas Junias ngoka eli mondholongo yegameno lyopombanda moRio de Janeiro moBrazil ta fekelwa a kwata onkonga.

Jonas Junias ngoka oye a li a humbata epandela lyaNamibia peegululo lyOlympic moRio ,okwa kwatelwe Osoondaha ya yi ta fekelwa a ningila omuniilonga gwomomagumbo gaadhani mUuninginino wa Rio de Janeiro iinima ya nika uuholume.

Pamushangwa gwa gandjwa ku NNOC ota gu ti nkene ya kambadhalele okugamena omudhengingonyo nguka paveta okuza Omaandaha, oonkambadhala dhawo odha kala nuudhigu omolwa okwa uvathana nawa melaka.Uupyakadhi uukwawo owuli wo poshinima shefatululo lyoveta moBrazil. Naashika osho sheya kambadhalitha opo ya konge omunaveta eshi nawa Oshiputu nOshiingilisa a vule okuya kwatha.

Oveta yokoBrazil ina yi tongola pokati koku piyaganeka omuntu pauholume kutya okwa gumwa ashike, nenge okwa yiwa naye momilalo. Moshilongo shoka kutya omuntu okwa gumu omuntu ngoka e mu haluka pwaana ezimino shika osha talikako ongo ekwato koonkondo.

“Ootundi omilongo 48 otwe dhi longitha okupotokonona oshipotha shika . Konima yoonkundathana esiku alihe otwa tokola okulundulula ongundu yetu yoohahende. Otwa pumbwa ohahende onawino moveta ndjoka omudhani gwetu a pogola,nontseyo yOshiputu noShiingilisa opo uupyakadhi welaka tu wu kandulepo.Oshikwawo otwa pumbwa wo omutoloki gOshiputu ngoka e shiwike nawa kohofa.” Xoagub ati.

“Uupyakadhi welaka owo wa kateke oonkambadhala dhetu meindilo lyotango lyoku pula oku ifutilamo.Otatu ka gandja eindilo lyetu etiyali mbala, meyambidhidho lyoAmbasade yetu oshowo Okomittee yOlympic nokomittee longekidhi yomoshilongo.Otatu longo ashihe opo tu kale twa mangululitha omudhengingonyo gwetu opo nguka a vule oku ka vihwa molwolugodhi lwe Etine oshiwike shika.”

Omudhengingonyo omuMorocco naye wo ta fekelwa a longa iilonga yuuholume okwa li a lata oku ka vihwa onkene ina mona we ompito yoku mbokisa.

“Tse otwa hala oku yanda oshinima shoka ngele otashi vulika.

Pethimbo Kundana a yi koshinyanyangidho ka pwa li  onkundana yilwe ompe kombinga yaashika. Onkene lesha E-Kundana kwaashoka oshipe tashi ka holokapo.

LEAVE A REPLY

Please enter your comment!
Please enter your name here