Okamba vokwaita onhivali ya diladililwa moLüderitz

0
270
Okudja kolumosho Kommanda goNavy , Elia Ndiyaamena, Meya waLüderitz, Hilaria Mukapuli , Kansela wo shikandjohoololwa sha !Nami#nus Jan Scholtz oshoyo ovanambelewa metanga lo Navy poshitaashi sha Lüderitz , pefimbo letalelepo la Kansela na Meya wodoolopa ya Lüderitz.

Lüderitz – Opa fanekwa opo oshitaasi shetanga lovakwaita lomomeva shomoLindili shi ninge okamba ile onhanda onhivali yetanga eli.

Pefimbo eli oshitaasi eshi osha idilila ashike ovakwaita vomomeva veli omilongo 75.

Eshiivifo eli kombinga yoku lundululila oshitaasi shoNavy moLindili oku shi ninga onhanda yovakwaita vomomeva yaalushe ola ningwa koKommanda imwe yetanga lovakwaita vomomeva oyo ya li mosheendo eshi sha talelwapo kuKansela wa !Nami#nus oshivike shaya.

Kommanda Elia Ndiyaamena metanga lomomeva poLüderitz Naval Calling Station okwa kufilako ovawiliki voshitukulwa eshi a ti etanga lovakwaita lo Navy, ohali amene omunghulo futa waNamibia needjo damo.

Ndiyaamena nosheendo shaye  ova talelwapo kukansela Jan Scholtz oshoyo Meya wa Lüderitz Hilaria Mukapuli oshivike shaya.

Okwa hokololela ovaleli ava, nghene etanga lopakwaita lo momeva  la totwa po modula 1994. Okwa tumbula yoo kutya Ovakwatita ava ohava deulwa koshiputudilo shovakwaita kOkahandja, no ngee va mane omadeulo opakwaita, tava i nee vaka deulwe okuyowa, kokamba yovakwaita yakula ko Walvis Bay.

Ndiyaamena okwa tumbula kutya ovakwaita vahapu metanga eli  ohava tumwa komadeulo ngaashi ko Brazil oko haku tumwa eepresenda dihapu, navamwe ohava tumwa ko South Africa , Zimbambwe, Kenya, nokoNdowishi .

Okwa ti oshitaasi eshi paife osha mona ombautu yoku shilila noku tonatela omunghulofuta. Okuli we momalongekido okumona onhele petuliloshikepa, opo ovakwaita vo Navy moshitaashi shomo Lüderitz vakale ha va patolola mefuta ngaashi osho shili oshinakuwanifwa shavo.

Kansela woshikandjohoololwa sha !Nami#nus Jan Scholtz oshoyo Meya  waLindili  Hilaria Mukapuli,  ova pandula unene kouyelele oo vapewa ku Kommanda Ndiyaamena.

Scholtz okwa ti paife ombelewa yaye opamwe nelelo lodoolopa ya Lüderitz ovena eudafano lomoule,  opo vatalelepo oikondo aishe yepangelo, noikondo oyo ya nyama kepangelo modoolopa, nelalakano opo veli taleleko voo vene ongovaleli kutya, oilonga otai longwa ngahelipi, meenhele da tya ngaha.

Omafimbo adjako ovaleli ava ovatalelapo oshipangelo shepangelo mo Lüderitz, tava talelepo yoo ombelewa oyo inasha nexumifo komesho lodoolopa o Lüderitz Waterfront Development. Scholtz okwa tumbula kutya, ota va ka mona yoo omhito opo va katalelepo eenhele odo da hupako, ngaashi odolongo, opolifi, neenhele dikwao.

 

LEAVE A REPLY

Please enter your comment!
Please enter your name here