Omadhiladhilo konima yomahogololo mo South Africa

0
233

 

Onda li ndu uvaneke okushanga omadhiladhilo gandje pepandja lyandje lyo facebook konima yomahogololo, Inandi shi ninga. Iizemo oshoka oya zimo kwatoka . Na kapwa li ethimbo lya gwana okuyi tala noku yi uvako nawa shoka tayi popi.

Omimvo odhindji dhapita po onda pelwe oshinakugwanithwa shelongo lyopapolitika okulonga aanandjungu yopolitika meni lya South Africa. Pethimbo ndyoka otwali twa longekidhwa nawa noshowo otwa li nelandulathano.

Miilonga yandje mbika ondali ndina omusindalongo gwaashoka ndina okulonga.Okukundanatha. ‘Eigidho lyandje olya li omulongi naye okuna okulongwa”.

Oshilongwa shandje shimwe shoka ndali ndi hole ooshoka “Okukonakonwa ku yalwe oshowo okwiikonakona mwene”[Criticism and self-criticism”]. Tashi ti mopolitika  ngaashi ashike monkalamwenyo yesiku kehe owuna okwi itala nawa muule womutima gwoye,: Otandi longo tuu shoka shi li mondjila, omapuko geni nda ningi, na otandi ga opaleke ngiini omolwuuwanawa wa yalwe no wa ndje mwene? Shika oshidhigu  oshoka atuhe kapena gumwe ihaapuka. Okwi ikonakona mwene okudhigu nota ku  nyengana.Nonena monkalo yuudemokoli, omuntu okuna okutsikila noku pula omapulo ngaka. Omapulo gomakankameno naangoka gokuyoolola uuwanawa nuuwinayi.Tse inatu fa Jesus. Ohatu punduka nokupuguma.Ohatu puka noku ninga omapuko . Pomathimbo gamwe ngaka omapuko gaana ondunge yasha. Ohatu yi tu kiihempulule kaahempululithitate/meme  nenge kAambisofi olundji. Naahempululithitate/meme nenge Aambisofi nayo ina ya fa Jesus! Oshoka nayo ohaya pogola .

Nandi popye ihe kombinga yomahogololo giilando.Iizemo yago otuyi shi ngashingeyi. Oshitsa shimwe ooshika kutya ANC okwa zimo mugo ishewe ongo ongundu onene yopapolitika  moSouth Africa. Ihe shika hasho oshinima shasimana. Shoka shiwetike ooshika kutya ANC okwa kanitha “ekondololo” konyala lyooperesenda 85 dhomitengenekwa miyalu dhomalelo goomuni. Nguka omwaalu omunene okushidhiladhila. Tashi ti otwa kanitha oonkondo dhopamahupilo.Otashi nikitha oluhodhi ndele ndjika oshili yoyene, kashina mbudhi kutya omuntu owa kambadhala okushi popya nomukalo gwatya ngiini.Kandina esiku nda dhiladhilile kutya shika otashi ningwa. Ndele mbuka owo uushili wonkalo nena. Shika ohashi ningwa miilongo yuudemokoli woshili kombanda yevi alihe.Aantu yo  ANC inaa pumbwa okwiipa oombedhi nokwi ihepeka ngaashi shafa osho shi li pethimbo ndika.Oohailwa oshinima nashi kale oshipu.Onkalamwenyo osho yili ngaaka.Tyapuleni uudemokoli.Omathimbo gamwe twa sindana nopomalweedhe galwe twa kanitha. Shika osho twa kondjela: uudemokoli. Poompito dhimwe ohashi ehama ndele oshipu oshipu.

Miizemo mbika oANC oya zimo natango ongundu nehangano lyaantu aAfrica: mboka ye li natango konima yesiga aakalimo yomomavigumbo nale, aakalimo yomuulando nuundoolopa uushona, yomomalukanda, momalukanda giinyakwi, nomwaangoka gaashi ku kalwa kaantu.Ongundu yo EFF oyo wo ongundu yaakalimo yomomalukanda giinyakwi/niipeleki, yaamboka yaana evi oshowo yamwepo yomaalongwantu, yaamboka yaana iilonga naamboka ya geya, omathimbo gamwe mbaka ka yena  elandulathano[ihe shoka oshi li nawa] ongundu wo yaahwahwameki. EFF okwa li nawa moku tu dhimbulutha kutya aantu yetu otaya kondjo mokulonga  esiku kehe. Mwaa shika mbaka oya longa nawa.

Ndika olyo ethigathano lya landulako lyo ANC, haandyoka ashike lyokukonga omawi gomahogololo, ndele nee okutala kiinima yoku humitha komeho ayihe mbyoka tayi gumu oonkalamwenyo dhaantu yetu. ( ANC na palamene  oshinima shehumokomeho ndele haku tala ashike shoka shoku etapo.]Omapogolo niinima iiwinayi ya popilwa aawiliki mbyoka tayi geyeke ngaashi eTolls na yilwe, oya li iipopiwa pomuthika gopashigwana  mbyoka ya longithwa noku tsuwa omutse kaanapolitika yalwe nonando mbyoka kayina sha nomalelo goomuni. Onkene ANC na dhiladhile nkene ta kala noku longa naambika mbala omanga inaa yi yonagula noku luudhika omahogololo guudemokoli gopandoolopa.Iiningwanima ngaashi mbika ohayi ningwa apehe muuyuni. Mo UK, nonando shika hasho oshiholelwa oshiwanawa ongundu tayi pangele yoConservative Party (Tories) oyili moshilando London tashi lelwa kongundu yompilameno Labour Party, ye London oye omutima gwomahupilo moshilongo shoka. Oshikwawo ongundu yOmuperesidente Obama  ndjoka yoDemocratic Party moAmerica ka yi na omajoriti moparliamende yoshilongo shoka kokutya US Congress neGumbo lyaakalelipo. Iiholelwa iiwanawa ihe mbika itatu vulu okuyi longitha ongo omaipopilo sho twa longo nuunkundi miilando iinene ngele tashiya momahogololo ngaka. Opolitika oshinima shomegumbo!! Tse otwa longo epuko. Olyo lini? Omuperesidente? Okabinete? National Executive Committee? Elala lyopankalathano? Uulingilingi woshili nenge mboka tawu fofotolwa ashike? Omalamba omambulau taga shela shaampoka?Natu dhiladhileni.

Onkene ngashingeyi oshike tuna okutala okuya komeho, ndika olyo epulo tandi ka kundathana moshinyolwa sha landulako.Sigo oompoka. A Luta! Continua! Amandla! Nghawethu!

 

LEAVE A REPLY

Please enter your comment!
Please enter your name here