Pohamba a lukilwa epandaanda moOranjemund

0
240
Omupresidente mukulu Hifikepunye Pohamba, a fikama pepandavanda olo alukilwa mOranjemund.

Oranjemund – Ou a li nale Omupresidende woshilongo Omundohotola  Hifikepunye Pohamba okwa tumbalekwa modoolopa yaOranjemund Etitano ladjako, eshi a lukilwa limwe lomomapandaanda modoolopa oyo.

Epandaanda ola lukwa Dr Hifikepunye Pohamba Avenue. Pohamba opamwe naambulavo, okwa pandula unene elelo lodoolopa  osho yo ovakalimo vo moOranjemund, eshi vemu tumbaleka noku mu lukila epandavanda olo. Ta tumbula kutya  okwaanya etumbaleko loludi eli   meedoolopa da yooloka moshilongo, pefimbo loshikako shaye eshi ali Omupresidente woshilongo.

Ta ti pefimbo eli a dya koshipundi, eshi oshi li oshikando shaye shotete, okupewa etumbaleko loludi eli nokwe li shambekela nomaoko aeshe. Ta tumbula kutya eshi oshi li unene etumba kuye moku lukilwa epandavandaa modoolopa  yaOranjemund.

Pohamba okwa indila elelo lodoolopa oshoyo ovakalimo vomo Oranjemund, vakwafele mokuyambulapo odoolopa yavo, vadule oku nhana ova pindiki va pindike modoolopa, opo ku hapupalekwe eemhito doilonga.

Ta pandula elelo lodoolopa novakalimo eshi vena odoolopa yavo ya yela. Okwa indila ovakalimo vomOranjemund va twikile noku kaleka odoolopa yavo meameno, va hae fele nande modoolopa yavo oukoloshi woma kwatonghonga, nomadipao oshoyo okunhwa omalodu shapitilila ,ngaashi tashi holoka meedoolopa dimwe po moshilongo.

Molweendo lae Pohamba okwa li pamwe no Minista yOmauyelele nOmakwatafano  Tjekero Tweya osho yo Ngoloneya wa //Karas Lucia Basson.

Osheendo shomuPresidente mukulu wa Namibia osha li yoo sha mona omhito shi kale pouvalelo weongelo loshimaliwa sho shivilo shoipindi shokomudo  osho hashikalako alushe pehulilo lodula mOranjemund hashi ufanwa  Diamond Festival.

Mouvalelo weongelo loshimaliwa omwa ongelwa oshimaliwa sha konda peeN$265 000, nehangano limwepo loko South Africa ola yandja omaano ee Laptop dipe dili omulongo.

Oshivilo shoipindi shokomudo sho Diamond Festival okwa fanekwa tashi ka kalako okuhovela mo 28 Novemba fiyo omo 03 Desemba 2016  mOranjemund.

 

 

 

LEAVE A REPLY

Please enter your comment!
Please enter your name here