TUYENI KOLUPALE LA TUYENI: Okaana oko, ongeda na ina

0
349

Ovawambo ove na oilukadina oyo hai kala iwa ngeenge tave i ufana vakwao, hano ngeenge taku popiwa ongeda na ina okaana oko ka dalwa kulye no ka ninga shike hano mboli?
Va Namibia, ouxuku voku liyengela ihaudi, yo ongoma ohai hokelwa pondjila opo keshe ou ta endepo ye ta hongoko ilo a yandje omayele.

Ondili mekwatafano na kadenga moinima yOshiwambo tate Filipus Tuhafeni ya Nghidengwa opo etu  lombwele nawa kutya ongeda naina okaana kelipi hano.

Tate NGHIDENGWA, ame onda udifwa nai komulumenhu mukwetu umwe hatu longo naye ta ulange vati ondina eendunge dafa dongeda na ina, eshi a ulange omwenyo wange okwa li potete andiyolo ame ohandi limemesha, okwa li handi lipula kutya pamwe omulumenhu ou okwa hala okutya ondafa nda tekulwa nawa, ndele eshi ndaka vakelwako ku vamwe mboli omulumenhu ou ota ulange oshitya shakilikita, hano ongeda na ina oshike tatekulu?

YA TUYENI, ongeda na ina, okaana oko hakeya kohombo na ina kadalwa nale noshitya eshi oshakufwa mwaashi sha hala okutya okaana aka okeenda eengeda na ina eshi keya kohombo, opo ne pandja ounona ava tava ufanwa eengeda no ina opo.
Tate NGHIDENGWA, onda hala utu lombwele oshili ndele inandi hala nande ufiye ko oshimwe, pashe ovashamane omwashivika nawa onye muhole oinima yokoikololo.Popya oshili eshi mwakala nokuningililamo ounona ovo tamu ufana ovo eengeda noina molwaashi mwahala oku va nangala po.

NGHIDENGWA, ongeda na ina okaana kokamati ilo okakadona, nongeenge ne okaadona, omitoto odo tamupopilwa taku ti ohamu nangalapo ounona vovakulukadi veni ava tamu ufana eengeda no ina oshili ilo oipupulu, nongeenge oshili ohamu shiningile shike, nopefimbo peni ngeenge ovakulukadi veni oonakudala ounona ava, vaya peni?

YA TUYENI, okutonga oshili okaana aka kakeshi naana ohonde yoye nonande oove tokatekula, oshitivali okaana aka efimbo limwe, ina ngeenge ehemo meumbo ohaka monika kafa ina nouwa wako neengeda dako ongaashi naana ina. Oinima imwe ei oyo kwali haitu fininike opo tuye momilele nounona ava.

Tate NGHIDENGWA, oto ti ngahelipi ngaho, hamba eshi takutiwa ovashamane kamushi ovanhu oshili ngo, eshi to ti okaana aka keya na ina okafa ina, osho hashi mu fininike muye navo momilele, vo veni ava kwali hamukala mwa dala novakulukadi ava kakwali ha va kala vafa ooina, ilo navo okwali hamu nangala navo. Tashi ti nye aashamane shima ashike wa mono omunhu afa omukulukadi woye owa hala okutulika epandela nale ngaho?

YA TUYENI, oshili ongeda na ina, okwa li hai kala moshiponga molwaashi efimbo limwe mwene weumbo ngeenge inaya nako momilele, natango ovana vae ovo tava hangika meumbo omo vakula nda dala nale navo okwa li hava mono omhito yokuya momilele nokaana aka, molwaashi ovanhu vonale ovo ngo ovo, okwa li have shitaleko kutya mutu osho ve ya okukonga aveshe na ina.

Tate NGHIDENGWA, otwa hala okuuda nawa, ngeenge ohamu kala ne tamu ufana ounona ovo veya kohombo va dalwa nale kutya eengeda no ina, nye ounona ovo kwali hamukala mwa hangika mwa dala okwali hamu va ufana ngahelipi, vo ovakulukadi veni,okwa li ngo havamono ounona veni vovamati vemu fa una ngeenge meumbo muhemo, sho shininge ngo ne ndekutwa meisho ove tomutu meyulu?

Tate NGHIDENGWA, natango ne okaana aka ngeenge owe ka dalifapo, okwali ngo haka kala meumbo omu muna ina ilo okwa li haka lekelwamo?

YA TUYENI, omapulo oye ohandikwatele ngo nee kumwe, kepulo kutya ounona ovo twa dala vo okwali hava ufanwa ngaipi, ounona ava kakwali vena omadina molwaashi okwali hashi talikila kutya ava oveli mooxe, natango kepulo kutya meumbo okwali hakalalekwamo ilo omo hakakala, aayee okaana aka ohaka tumwa kooinakulu, molwaashi aka okelikushifa oshimumu ka eta ohoni mepata nokulengifa ina oo eka dala.

Tate NGHIDENGWA, ongeda na ina ei hamu tongo yo nokadonga mbelela oshitya ngo shimwe vali shakala hashi longifwa kOvawambo, oinima ei oya yooloka  ngaipi, ilo okadonga mbelela oko ngo okangeda na ina, oshitivali nye aashamane oshike naanaa onye ashike mwe lilonga okuninga nai ounona veni ava mwa hanga va dalwa kovakulukadi, onye ngoo hamu valuku omadina,vo ava ngee vaka nangala onye vali tamu va fitikinine moikumbafa?

YA TUYENI, ouli mondjila okadonga mbelela oko ngo ongeda na ina, oka lukwa edina eli molwaashi mefimbo lonale ounona shima ngo ndele valimo ombelela mombiya, keshe kamwe otake li kale ngo kutya hako opo ngo ku lundilwe okadonga mbelela kutya oko ngoo taka tuma kanifa oinima meumbo omo, nonande oshili efimbo limwe hako nande.

Oshike ovashamane oshe ngo alushe hatu ningililemo ounona ovo ongeda noo ina , vo ovakulukadi vetu  kaa vena oikoya yokuya novana vetu momilele, ashike okudja mefimbo lonale fiyo  opaife ya Tuyeni otaku udika ovakulukadi vamwe ava veya okuhombolwa navo tava ningililemo ounona vetu ovo hatu hangika tuna nale, vamwe nokuli otave va xwike noikuni yomindilo vamwe tava tilwa omeva mapyu nokunyotelwa momatiti ngeenge tavali,opo ya Tuyeni ino ya po nande alukapo ashike kaume.

Paife Tate NGHIDENGWA ove ongo omushamane, oho udu ngaipi ngeenge wa nangalapo okangeda na ina, toka pe ne nande   edimo ilo ngo mwahangikilila komukulukadi woye oo oye ina yako, oshinima eshi hakutiwa ohoni ilo elengwa  ove ongo omushamane eshi uli pomukunda ihashi ku kwata nande, naashi ne tokapulwa komalenga oho nyamukula to ti oshike kwali shikukwete, ilo oto katya iho kuta eshi hopewa ku ina yokaana oko.

YA TUYENI, ouli mondjila, elengwa nohoni loovene opo hali kala, ashike ongaashi ngo ushi kutya ovashamane efimbo limwe ngeenge twa ningi oinima yakilikita ihatu kwatwa naana kelengwa, molwaashi mounyuni wonale okwali haku tiwa mwene weumbo iha lengwa, ngeenge okwa lengwa ndele temutaatayamo meumbo laye otamukakala peni ilo mukalye peni. Kepulo kutya ngeenge handipulwa okwali handi nyamukula ngaipi, aayee efimbo limwe opo ushilikufe okwali ngo ne hoti, aayee vakwetu ombili okaana ohakamonika unene kafa ina.
Tate NGHIDENGWA, eshi toti mounyuni wonale omunyeumbo  iha lengwa ngaho ndishi owa hala okutenda oshitya koshi kutya nye  okwa li mwe lininga ookanyamukulwa, opo ne kwali hamu mono nomhito yokuninga eshi mwa hala molwaashi otamuti ngeenge omwapopiwa ovakulukadi ovena okushuna koumbo vooina. Oshitivali okaana aka ngeenge weka mitikepo, mefimbo lonale okwali ngo hokafutu, ilo okwali ashike hamu ningi kafilu kenyenye molwaashi nomukulukadi woye otatila okudipopya napamwe ototi nashune oku adile?.

YA TUYENI, ofuto yoovene opo kwali haikala molwaashi nokuli ngeenge owa hange omushamene umwe elitumba okwali hafutu oifuta inya nokuli hakuti,( oifitika mulungu) hano tofutwa ngo ndele kuna vali apa to ke shi hokolola molwaashi omwaudifwa nawa epata  alishe keshe umwe okwanyikako kofuto yookaana oko.

Tate NGHIDENGWA, momapopyo oye okudja petameko otaa ulike ngo kutya mboli ovashamane mefimbo lonale omwa kala tamuli oshilongo nokati, epulo lange olili apa, ngeenge natango ovashamane ohava kala va dakamenamo eengeda noo ina endi omesho molwashi ava ova fa ooina.

YA TUYENI, ngeenge pefimbo eli tuli opena natango ovashamane vakwetu vamwe tava ponokele omaludalo avo oo adalwa kovalikadi i vavo, oshili nave shi fele okalambo.Molwaashi mefimbo lopaife olo naana ekwato keenghono okuya nokamwoye momilele ilo kena eedula dili konima yoye.
Tate NGHIDENGWA, etumwalaka to yandje kovashamane ova Namibia, ola shike ,ovo ngoo nee ve lininga nohavati vati nokadilona ombelela, ye tafiye oidilona yaye keumbo ya ta kaya momilele noidilona yovashamane vakwao.

YA TUYENI, paife eshi handi popi ngaha ngeenge opena  omushamane  hati nokadilona ombelela, ngeenge okuhole oudilona na tamekele manga meumbo laye molwaashi oidilona ei ta ka konga yadalwa kuvakwao oyo tafiye meumbo laye.
Ooo! Tate NGHIDENGWA, owa hala okuula ovashamane vakweni mbela kutya ngeege ovahala okumitika ounona voukadona shapo nava tamekele momaumbo avo. Eshi nee pena oomeme vamwe moshilongo navo tava ningi ngo nokadilona ombelela opo oto ti ngaipi, okaana kokamati kekwete ngo omukulupe mokooko to lipula kutya pamwe otake mu twala kopendjela, ndele mboli otava ka ninga shanamutete moikumbafa nainakulu?

YA TUYENI, oshinima osho oshapuka ngeenge opena ounona voumati tavekelivatapo nooinakulu moikumbafa. Tate Filipus ya Nghidengwa kundilapo ova Namibia aveshe tangi unene eshi wetu kufilako.

JOHN YA TUYENI
MRTUYENI76@GMAILA
CELL 0812988549

Na

FILIPUS NGHIDENGWA. T
CELL 0814054723

LEAVE A REPLY

Please enter your comment!
Please enter your name here