Aalongi yookinda ya shongo epangelo kombinga yoondjambi

0
243
Aalongi yookinda ya shongo epangelo kombinga yoondjambi

ONIIPA –  Aalongi yokiinda yaza kiitopolwa ayihe moshilongo oya indile oholomende yi ya yamukule kombinga yoondjambi dhawo pehulilo lyomwedhi tu uka.

Aalongi mbaka ya li nomunyanyo oshiwike shayi oya ti oya hala ya yamukulwe moshikumungu shawo shoondjambi ooshona oshowo ihaadhi futwa pethimbo omanga omasiku 30 gaSepetemba inaaga thika. Oya tilitha kutya ngele inaya mona eyamukulo okuya mesiku ndyoka,ookinda otadhi ka edhila.

Aalongi mbaka ya zile miitopolwa ayihe 14 yaNamibia oya li ya nyanya ya kwatelwa komeho kopolisi sigo oosho ya gandja omushangwa gomanyenyeto gwawo ku kansela gwoshikandjohogololo Oniipa.

Oyendji yomaalongi mboka haya longo ookinda oyali ya holoka taya holola omaiuvo gawo. Omupresidende gwehangano lyaalongi mbaka  moshilongo Lovisa Kashima okwa ti oya kala taya pula epangelo opo li ya gwedhele ko koondjambi dhawo ndhoka haya mono ihe anuwa ihaya yanukulwa. Kashima ta ti yamwe yomaalongi yookinda ihaya mono sha molupe lwondjambi okuza kepangelo, naamboka haya futwa ohaya pewa owala oshimaliwa shoondola 1 500-2 000.

“Otwa hala opo epangelo li talepo omeho paalongi yookinda lyo li tu yamukule mbala, otuli unene muupyakadhi, ngele oto tala aalongi yookinda oyo haya dhana onkandangala melongo lyopetameko lyomunona, noya pumbwa oku pewa oshimaliwa sha kola,” Kashima ta ti.

Pethimbo lyomunyanyo oshiwike shayi oyali taya imbi oondjimbo yo ya humbata omapulakata, ngono taga holola nkena ye uvite nomakemo gawo ngoka yena, gamwe gomomapulakata ogali ga shangwa Omimvo odhindji twa longa ihe inatu mona nande osha  go gamwe oga shangwa otwa longa ethimbo ihe ondjambi ha ta tu mono oshona.

Taya holola kutya mboka haya pewa oshimaliwa oshishona unene sho anuwa ihashi thiki pethimbo. Yamwe yomaalongi yookinda koshitopolwa shaZambezi mboka yali yeya komunyanyo oya ti nkene yi ihulile oku mona ofuto yawo muApiilili.

“Otatu thaneke opo ando tu kale tatu futwa oshimaliwa shi thike poN$8 000 tse tu vule oku kandulapo oompumbwe dhetu dhopauntu.Yo  iimaliwa mbyoka otwa hala yi kale ta yi ya pethimbo oshoka otwa taalelwa keshongo enene lyiipumbiwa yesiku kehe tayi ende tayi londo no itatu ka vula we noku futa omahala getu gomalukalwa,”Taya popi ngaaka.

Omupresidente gwehangano lyookinda okwa pula opo ando Uuministeli  welongo wu longekidhe omadheulo gowina opo aalongi yookinda ya dheulwe yo ya gandje elongo kaanona mboka opo taya putudhwa.

Kansela gwaNiipa Jerry Ngwena sho a taambako omukanda gomanyenyeto nguka okwa uvaneke t eke gu thikitha ku Ngoloneya ye a tale shoka ta longopo.

LEAVE A REPLY

Please enter your comment!
Please enter your name here