Ekopi loRugby1st division le ya koLüderitz

0
181

Lüderitz – Ospana yorugby yoSeaflower Ocean Swallows yo modoolopa yokomunghulo futa Lüderitz  oya findana ekopi lo liha yo 1st division koudano oo wali koWindhoek mOlomakaya olo twadja.

Seaflower Ocean Swallows oya findana eshi ya dengamo ospana ya Mariental noitwa ili 17 yomo 14.  Omupopiliko wospana yo Seaflower Ocean Swallows, Neil Andrews okwa lombwele Kundana kutya ovamati oveshi endifa nawa, nova eta ekopi kodoolopa yokomungulofuta.

Andrews okwa tumbula kutya eshi osha ningwa omolwa eyambidido loshimaliwa olo va mona odula yoneudo okudilila kehangano lokuyula eeshi lo Seaflower Group of Companies.

Ta tumbula kutya ngeno ka pa li ekwafelo lopashimaliwa okudilila ko Seaflower, ngeno ospana inai dula okufuta olweendo nomilele omo ovadani vali vafuwa nombili opo va dule oku ka dana nelitulemo noku eta efindano eli li shambula keumbo ko Lüderitz.

Andrews okwa popya yoo kutya  okuna elineekelo kutya, efindano eli otali ka nhana ovanyasha vahapu modoolopa opo vakufe ombinga moudano wo Rugby. Ta fatulula kutya ovadani voRugby meefikola domodoolopa ya Lüderitz ovapumbwa exwaxwameko moudano woludi eli, ashike otashi pula eyambidido lopashimaliwa.

Molomakaya 13 August 2016, eshi oudano wapwa, nelaka lafika mo doolopa ya Lüderitz kutya ovamati vo Seaflower Ocean Swallows RC ovafindana ekopi lo 1st division, ova holi nova yambididi voRugby modoolopa ovaya momapandavanda tava shiki eembeda tava pandula, eshi ospana yafindana.

Ekopi olafika modoolopa ya Lüderitz omutenya wo Soondaha 14 August 2016,ovandani novayambididi vo Rugby ovali vahafa neengho omlolwa ospana yo Seaflower Ocean Swallows oyo ye shipondola oku eta ekopi ko Lüderitz .

 

 

LEAVE A REPLY

Please enter your comment!
Please enter your name here