Ekudhilo lyomadhiladhilo

0
224
Iilonga yuunkulungu momathano yOnkulungu yiikwamathano Tuli Mekondjo mbyoka ta ulike lwotango oye awike  pendiki lyFranco –Namibian Cultural Centre  moVenduka oshiwike shika. Omauliko ngaka otaga ka hula momwedhi tu uka.

WINDHOEK- Iilonga yuunkulungu nomathano gonkulungu yomathano ya Tuli Mekondjo otayi ulikwa okutameka oshiwike shika pendiki lyiikwamithigululwakalo lyo FrancoNamibian Cultural Centre.

Shika osho oshikando shotango Mekondjo ta ulike iilonga yuunkulungu we pamathano oye awike. Mbika oteyi ulike kohi yoshipalanyolo ‘The Bellowing Mind’ nenge “Ekudhilo lyomadhiladhilo’.Omauliko ngaka otaga popi pamathano kombinga yondjodhi yopaumwene pamadhiladhilo oshowo nkene ngaka ga gumwa unene konkalo. Omauliko ngaka gomadhiladhilo ga Tuli Mekondjo oga tamekele Omaandaha oshiwike shika nota ga ka hulila momasiku 8 gomwedhi tu uka.

Pahapu dha Mekondjo iigongelwa thano mbika ye otayi ulike nkene omadhiladhilo ge taga kudhile kombinga yuuwehame mboka we mu guma paumwene shina sha nekathitho lye, eiyuvo lyokukala a fa a thigwapo nuululume mboka natango wu li muule womaiyuvo ge. “Ngame otandi pula oshigwana Shaawambo moka nda putukile.Nda putuka noku koka othigwa. Nda silwa oshimpwiyu kaakwanezimo lyandje ya yooloka, nongeyi onda kala ndiwete ndafa tandi inyenge pokuma pwafa puna omeya nondaana mpoka nda kankamekelwa. Meputuko lyandje omwa li onkalo ndjoka  tayi thindile pevi omukalo goku ulika okunika uuthigwa. Onkalo ndjoka itaayi pitika opo omuntu a popye sha kombinga yomaiyuvo ngoka ena tage mu ehameke  olundji ngaka ohaga holekwa no ka gena okukundathanwa. Omathano otaga ulike ompumbwe ye yambidhidho pankalathano. Osho wo otaga ulike okwaakalapo kwoonkundathana ndhoka  kombinga yuupyakadhi wontumba opo mbuka wu vule oku kandulwapo,” osho Mekondjo a fatulula.

Okwa ti omauliko ngaka oge na eiyuvo lyepiyagano nuululume pamwe nonkalo oombwaanawa, euveko oshowo okukala netegameno.Miikolo yomauliko ngaka omuna omadhimbuluko, oondjodhi nosho tuu yo iikalimo ayihe mbika oya kwatathana na otayi hilathana noku undulathana oku uka komeho, omanga inaayi nenapo  noku lundulukila momalupe  galwe gopamadhiladhilo.

Okwa ti iigongelwa yomathano kombinga yombepo ya mangwa ngaka ogo ekumiko kaantu opo yi ipule muele kombinga yonakuziwa yawo. ‘ Osho shotango  tandi palamene onakuziwa yandje, notandi kumike ooyakwetu nayo ya kale nomukumo opo wo yo ya dhimbulukwe oonkalo dhawo dho nale ndhoka natango dha tindila momadhiladhilo, dho ndhika katu hole okudhi talelapo nenge oku dhimbulukwa, oshoka uuna twe shi ningi nena otatu mono eyaluko”osho Mekondjo  a gwedhapo..
 

 

LEAVE A REPLY

Please enter your comment!
Please enter your name here