Ina pewa iifutilemo mondholongo

0
574
Oshiketha sha nakusa Negongo tashi kukithwa mombila

 

Omunamimvo 29 Johannes Nghipitwako ngoka ta tamanekelwa edhipago onkee e li mondjedhililo no ku li a tegelela a pulakenwe ngele ota pewa iifutile mo momasiku omugoyi gaSepetemba.

Nghipitwako, omupolisi keithano okwali a holoka olutiyali mompangulilo yamangestalata gwaNdangwa Etitatu lyoshiwike shika.

Nonando a li a holoka ngaaka Omukwateli komeho gopakathimbo gwiimbuluma mOshikoto Chief Inspector Edna Nawa okwa hokolola kutya nonande ali a holoka ina tegelelwa a pewe iifutile mo.

Nghipitwako okwali a dhitikwa sho a li a yaha okusa Fillipus Negongo petameko lyomwedhi nguka puundingosho wopOnanke moshikandjohogololo shaMuntele.

Kakele ko kumangwapo, Nghipitwako okwa tegelelwa wo a ka kale a  katukilwa onkatu miilonga oshoka oshi li kondje yo milandu okulonga iikuluma oshowo okuya puundingosho momuzalo gwiilonga.

Nawa okwati sigo ompano ina pu ningwa etokolo lyasha ashike eegelo opo lili.

Aapolisi yaali mbono yali nomufekelwa, Nawa okwa ti nayo woo otaa ka katukilwa onkatu kiitopolwa yawo yiilonga.

Aapolisi mbaka oyali yeli mEtosha moshikonga shono tashi gamene oompanda dhaa dhipagwe.

Otaku hokololwa kutya iipilikisha yesiku ndyoka oyali ya tameke sho Nghipitwako a li a tindi okufuta N$42.

Otaku fekelwa kutya iimaliwa okwali eyi indile mwene gwayo eyi dhanemo meshina.

Mompilikisha omo tuu moka Negongo a li a dhipagwa, otaku fekelwa woo kutya aapolisi mbaka oyali ya ningile aanamukunda omatilitho.

Kakele komatilitho, ondingosho yimwe oyali wo ya yahwa moombuli, manga ohauto yopolisi ya li ya yahwa omagulu gokomeho agehe gaali omanga omupolisi gumwe a li woo a ya hwa mombulukweya.

Otaku hokololwa kutya omupolisi ina mona oshiponga.

 

LEAVE A REPLY

Please enter your comment!
Please enter your name here